Areru 34:1-22
Ana areru Tawita ngke e bakaaea te baba+ i matan Abimereka, are e kakionakoa ao e nako.
א [Areba]
34 N na karaoiroa Iehova n taai nako,E na teimatoa ni mena karaoiroana i aon riau.
ב [Beta]
2 N na kamoamoa iroun Iehova,+Ao a na ongo akana nimamannei ao a na kimwareirei.
ג [Kimera]
3 Raonai ni kamoamoaa Iehova,+Ao ti na bane ni karietataa arana.
ד [Tareta]
4 I titirakina Iehova ao e kaekaai.+
E kainaomataai mani baike I maakui ni kabane.+
ה [Ee]
5 A bane n raneanea akana taraia,Ao a aki kona ni kamaamaeaki ubuia.
ז [Taiin]
6 E wewete te aomata ae mangori aei, ao e ongo Iehova.
E kamaiua man rawawatana ni kabane.+
ח [Eta]
7 E katea ana umwanrianna ana anera Iehova n otabwaninia akana maaka te Atua,+Ao e kamaiuia.+
ט [Teta]
8 Katoongnga ao noria ae e raoiroi Iehova.+
E a kukurei te aomata ane e kamanoa irouna.
י [Iote]
9 Maaka Iehova ngkami ni kabane aika kam itiaki,*Bwa a bon aki tare n te bwai teuana akana maakua.+
כ [Kabe]
10 A boni baki naba raian aika korakora aika ataei,Ma a na bon aki tare n te bwai teuana ae raoiroi akana ukoukora Iehova.+
ל [Rame]
11 Kaaraki natiu mwaane, ao ongora irou.
N na reireiningkami maakakin Iehova.+
מ [Mem]
12 Antai i buakomi ae e kukurei n te maiu,Ao ae e tangiria n nori boong aika bati aika raraoi?+
נ [Nun]
13 Taua newem man taekinan te bwai ae buakaka,+Ao riam man te mwamwanaa te aba.+
ס [Tameka]
14 Rairakinako man te buakaka ao karaoa ae raoiroi,+Ukoukora te rau ao kaea ni kan taua.+
ע [Aiin]
15 A mena matan Iehova i aoia akana raoiroi,+Ao a uki taningana nakon tangia ni kani buokaki.+
פ [Be]
16 Ma e ekiianako akana kakaraoa ae buakaka matan Iehova,Bwa e na kamaunai uringaia ni kabane man te aonnaba.+
צ [Tiate]
17 A takarua ao e ongo Iehova,+E kamaiuia man rawawataia ni kabane.+
ק [Kobi]
18 E kaan Iehova ma akana uruaki nanoia.+
E kamaiuia akana rawawata nanoia.*+
ר [Reti]
19 A bati ana kangaanga* te aomata ae raoiroi,+Ma e kainaomataa Iehova mai buakoni baikanne ni kabane.+
ש [Tiin]
20 E kawakin riina ni kabane,Ao akea teaina mai buakoia ae mwaoto.+
ת [Tau]
21 A na mate akana buakaka n te kabuanibwai,Ao a na reke n te bure te koraki ake a ribaiia akana raoiroi.
22 E a manga kabooa maiun* ana toro Iehova,Ao akea i buakoia naake a kamanoia irouna, ae e na reke n te bure.+
Taiani Kabwarabwara Mai Nano
^ Ke, “tabu.”
^ Ke, “a bwara nanoia.”
^ Ke, “karawawataan.”
^ Ebera, ne’phesh, nora Nanon Taeka.
