MƆ YAMBI 5
Mɔ ka Sɔ ngoy mɔ de ha zu nu nɛ ge nde?
1. Ha zu ge Sɔ dea nu nde?
Jéhovah kuo nu ha ɔ hio wi mɔ tɛ bhandi bɔ. Mɔngɔ, a doya bɔsi wowi Adam nɛ bosi bhoko Eve mɔ dung ha ngɔn na, Sɔ dea hio telenge ha ngɔn kari (Job 38:4, 7). Sɔ gdea bosi wei ha zang ma dede paradis ka linga nde fô Eden (Genèse 2:15-17). Jéhovah ha wɛnɛ nɛ hio bem ka be bhɛ bin mɔ kɛri tunɔ mɔ kpo nɛ kpo ha zu nu.—Tɔli Matthieu 5:5; Psaume 115:16.
Ha angara ka nɛ fɔ Eden ndang sɔna ha dung paradis. Yo sising nɛ bɛ Adam nɛ Eve mɔ bhɛ hio bem nɛ dɔka ha zu nu. Nɛ mbua be dung bin ha zu hio mɔ mɔ zu nu fɛt mbua be de, mɔtɔ nde nu fɛt a tɛ paradis (Genèse 1:28). Ɛ lɛm mɔ gdansi nu ma soe ndang na. Hio wi be dung ha zua kpoo.—Tɔli Psaume 104:5.
Zɔ vidéo Ha zu ge Sɔ dea nu nde?
2. Ha zu ge nu bo nɛ paradis mɛsɛ na nde?
Adam nɛ Eve kafa nu Sɔ, mɔngɔ a gnimso mbua ha zang fɔa. Paradis yɔamɔ, ma wi ndang lɛm ndukisi yo ha bhandia na. Bible tɔa nde: “Ɛ gdea nukɛ ha kɔ hio gdanga wi.”—Job 9:24.—Tɔli 1 Jean 5:19.
Jéhovah gdea wal mɔ ka ngoya mɔ soeki mɔ de ha zu hio wi kɛ ha angara deamɔ kari nde? O ho! Wɛnɛ nɛ Sɔ ka ngaya pen mɔ fɛt. Mɔ ka be kati wɛnɛ bɔna (Ésaïe 45:18). A be de nde hio wi a dung ha zu nu tuka ka wɛnɛ ba ngoy sô.—Tɔli Psaume 37:11, 34.
3. Nu be nduki mɔ tɛ paradis mɛng?
Nu be kifiri mɔ tɛ paradis ha ngimɔ konga-wan pɛ Jésus, wan-le mɔ konga-kandɔ pɛ Sɔ. Ha zang bulo ka linga nde Harmagedon, Jésus bedung bin ha zu hio telenge pɛ Sɔ mɔ gbe hio wan ngaya zu nɛ Sɔ. Ha pata Jésus be gdɔki Satan ha zang bɛlɛ 1 000. Hio wan-tom pɛ Sɔ be kpasi bin ha zu Jésus ha osa wal ha mbua. Wɛnɛ fin ha pama mbua. Mbua dung bin nɛ tunɔ mɔ kpo nɛ kpo ha zang paradis ha zu nu.—Tɔli Gbasamɔ 20:1-3; 21:3, 4.
4. Bɔnɛ be kari bin ge soe nde?
Ge soe ka Sɔ be de nde gdanga mɔ a kari ha zu nu nde (1 Jean 2:17). Jésus kuo ma weka mɔ mɔ osi ge soe hio ngimɔ mɔ karisi gdangamɔ tɛ bɔ sanga. Hio mɔ ka hɔ mɛsɛ ha zang nzan yo ha dea gdanga mɔ ha tunɔ pɛ hio wi yo osi nde “kpogio ngimɔ” nɛa karsa.—Tɔli Matthieu 24:3, 7-14, 21, 22.
Ha ngimɔ konga-wan mɔ bɛlɛ 1000 pɛ Jésus ha ngɔn ha ki a bedung wan-le ha zu nu, a be karisi bɔnɛ fɛt mburr (Ésaïe 9:6, 7; 11:9). Ha zu ɛngɛ Jésus ha dea tom mɛ ze nde ma wan-le, a be de fin tom mɛ ze nde ma gasa prêtre a be kusi bin sɛmbɔ pɛ hio wi ka ngoya Sɔ. Mɔngɔ, nɛ wal pɛ Jésus, Sɔ be karisi bin zɛlɛ, gbɛla nɛ fio.—Tɔli 1 Korente 15:26; Matthieu 14:14.
5. Nɛ o ha be dung bin ha zang mbombe paradis kɛ nde?
Ha zang Tua Royaume, mɛ be kpa hio wi ka ngoya Sɔ ka ki mɔ yambi mɔ ing mɔ ka mbua lɛma dea mɔ efi ha li wa
Hio wi ka zea nu Sɔ ha bedung bin ha zang paradis (1 Jean 2:17). Jésus tomsa hio wan-tom pɛa mɔki hio wi ka dung nɛ sila bhobem mɔ osi ha mbua mɔ ka mbua lɛma dea mɔ efi ha li Sɔ. Mɛsɛ, Jéhovah ha bhɔngara hio wi nɛ dɔka nɛ dɔka mɔ kpa tunɔ ha zang paradis ka be tɛ ha zu nu (Sophonie 2:3). Ha zang tua Sɔ pɛ hio Témoin pɛ Jéhovah, ɛ ha osa ha hio wi mɔ tɛ dede wowi nɛ dede gdibafa, nɛ dede bhoko fin nɛ dede gdinana. Hio gdibafa nɛ hio gdinana nɛ hio bem pɛ mbua ha gɔa Sɔ gbesi mbua yamba dede wen ka de nde mbua a dung nɛ dede dungɔnu ha zang tunɔ pɛ mbua.—Tɔli Matthieu 26:52.
