Dabi, etsɔɔɔ doo akɛ obatsɔ Odasefonyo. Mɛi akpekpei abɔ nyaa Biblia lɛ ni wɔkɛ amɛ kaseɔ lɛ he, shi amɛbatsɔmɔɔɔ Odasefoi. a Yiŋtoo hewɔ ni wɔkɛ mɛi kaseɔ nii ji, ni wɔhã amɛle nɔ ni Biblia lɛ tsɔɔ. Bo obaakpɛ oyiŋ yɛ nɔ ni okɛ nibii ni okaseɔ lɛ baafee lɛ he. Wɔshiɔ wɔhãa aŋkro fɛɛ aŋkro koni ehala kɛji ebaasɔmɔ Nyɔŋmɔ loo efeŋ nakai.​—Yoshua 24:15.

 Hɛɛ. Eyɛ mli akɛ wɔsumɔɔ ni wɔkɛ Ŋmalɛ Krɔŋkrɔŋ Lɛ Jeŋ Hee Shishitsɔɔmɔ lɛ ni akɛ ŋmɛnɛŋmɛnɛ beiaŋ wiemɔi etsɔɔ shishi lɛ atsu nii, ni kɛ́ oosumɔ hu lɛ wɔbaanyɛ wɔhã bo eko ni owooo he nyɔmɔ moŋ, shi kɛ́ oosumɔ ni okɛ bo diɛŋtsɛ o-Biblia atsu nii lɛ egbaŋ wɔnaa. Obaanyɛ ole hiɛnɔkamɔ kɛ yiwalaheremɔ he sane ni yɔɔ Biblia lɛ mli lɛ yɛ Biblia shishitsɔɔmɔi babaoo ni yɔɔ lɛ amli.

•   Suɔmɔ ni wɔyɔɔ kɛhã Yehowa Nyɔŋmɔ, mɔ ni miisumɔ ni Kristofoi atsɔɔ mɛi nibii ni amɛkase lɛ, ji yiŋtoo titri hewɔ ni wɔkɛ mɛi kaseɔ Biblia lɛ. (Mateo 22:37, 38; 28:19, 20) Wɔheɔ wɔyeɔ akɛ eji hegbɛ ni nɔ bɛ akɛ wɔbaafata Nyɔŋmɔ he akɛ ‘enanemɛi nitsulɔi’ ni wɔye wɔbua mɛi krokomɛi koni amɛbale nɔ ni e-Wiemɔ lɛ tsɔɔ.​—1 Korintobii 3:​6-9.

•   Suɔmɔ ni wɔyɔɔ kɛhã wɔnyɛmi gbɔmɔ lɛ hu tsirɛɔ wɔ ni wɔkɛ mɛi kaseɔ nii. (Mateo 22:39) Kɛ́ wɔtsɔɔ mɛi nibii kpakpai ni wɔkase lɛ, wɔnáa miishɛɛ.​—Bɔfoi 20:35.