NIKASEMƆ 6
Tsɔɔmɔ Nɔ Hewɔ Ni Okane Ŋmalɛ Lɛ
Yohane 10:33-36
NƆ NI ESA AKƐ OFEE: Kɛ́ okane ŋmalɛ ko lɛ, gbálamɔ mli dani oya oti ni nyiɛ sɛɛ lɛ nɔ. Bɔɔ mɔdɛŋ ni ohã tsakpaa ni yɔɔ ŋmalɛ ni okane lɛ kɛ oti ni owieɔ he lɛ teŋ lɛ afee faŋŋ ahã otoibolɔi lɛ.
BƆ NI OBAAFEE LƐ OHÃ:
-
Hã ana wiemɔi ni kɔɔ oti lɛ he lɛ. Kɛ́ okane ŋmalɛ ko lɛ, maamɔ wiemɔi ni kɔɔ oti ni owieɔ he lɛ he tɛ̃ɛ lɛ anɔ mi. Obaanyɛ otĩ nakai wiemɔi lɛ amli, loo obi sane ko ni baawa otoibolɔi lɛ ni amɛna nakai wiemɔi lɛ.
-
Maa oti lɛ nɔ mi. Kɛ́ obaakane ŋmalɛ ko, ni otsɔɔ yiŋtoo hewɔ ni obaakane lɛ mli faŋŋ lɛ, kɛ́ okane ogbe naa lɛ, tsɔɔmɔ bɔ ni ŋmalɛ lɛ mli wiemɔi lɛ kɔɔ nakai yiŋtoo lɛ he.
-
Kaawie otii babaoo ahe. Kaawie nibii ni he ehiaaa ni kɔɔɔ oti lɛ he lɛ ahe. Kwɛmɔ nɔ ni otoibolɔi lɛ le momo yɛ sane lɛ he, ni okwɛ saji abɔ ni kɛ́ owie he lɛ ebaahã anu sane lɛ shishi faŋŋ lɛ.
