NIKASEMƆ 59
Obaanyɛ Oya Nɔ Oye Anɔkwa Kɛ́ Aawa Bo Yi
Akɛ Kristofoi lɛ, bɔ fɛɛ bɔ ni fee lɛ mɛi baate shi amɛwo wɔ loo amɛbaawa wɔ yi po. Ani esa akɛ no ahã wɔtsui afã?
1. Mɛni hewɔ wɔkpaa yiwaa gbɛ?
Biblia lɛ kɛɔ faŋŋ akɛ: “Mɛi fɛɛ ni taoɔ akɛ amɛhi shi yɛ Nyɔŋmɔjamɔ naa yɛ Kristo Yesu mli lɛ, abaawa amɛ hu yi.” (2 Timoteo 3:12) Awa Yesu yi, ejaakɛ efataaa Satan je lɛ he. Wɔ hu wɔfataaa je lɛ he, no hewɔ lɛ, kɛ́ je nɛŋ nɔyelɔi lɛ kɛ jamɔ kui lɛ wa wɔ yi lɛ, efeee wɔ naakpɛɛ.—Yohane 15:18, 19.
2. Te wɔɔfee tɛŋŋ wɔsaa wɔhe wɔto yiwaa?
Amrɔ nɛɛ, esa akɛ wɔfee nibii ni baahã wɔhe Yehowa wɔye waa. Too be ni okɛsɔle daa gbi, kɛ be ni okɛkane e-Wiemɔ lɛ fã ko hu daa gbi. Yaa asafoŋ kpeei daa. Nifeemɔi nɛɛ baahã oná hewalɛ ni baahã onyɛ ofee ekãa ni ofi shi shiŋŋ kɛ́ aawa bo yi, kɛ́ owekumɛi po ni waa bo yi lɛ. Bɔfo Paulo ni awa lɛ yi shii abɔ lɛ, ŋma akɛ: “Yehowa ji miyelikɛbualɔ; misheee gbeyei.”—Hebribii 13:6.
Kɛ́ wɔfɔɔ shiɛmɔ lɛ, no hu baawa wɔ ni wɔfee ekãa waa. Kɛ́ wɔshiɛ lɛ, ehãa wɔkɛ wɔhiɛ fɔ̃ɔ Yehowa nɔ, ni kɛ́ wɔsheɔ gbɔmɔ gbeyei po lɛ, elaajeɔ. (Abɛi 29:25) Kɛ́ ofee ekãa kɛshiɛ amrɔ nɛɛ, ebaasaa bo eto koni wɔsɛɛ ko kɛ́ amralofoi lɛ gu wɔnitsumɔ lɛ, onyɛ oya nɔ oshiɛ.—1 Tesalonikabii 2:2.
3. Kɛ́ aawa wɔ yi ni wɔtee nɔ wɔye anɔkwa lɛ, mɛɛ sɛɛ wɔbaaná?
Yɛ anɔkwale mli lɛ, kɛ́ aawa wɔ yi lɛ eŋɔɔɔ wɔnaa, shi kɛ́ wɔtee nɔ wɔye anɔkwa lɛ ehãa wɔhemɔkɛyeli lɛ mli waa. Kɛ́ wɔnu he akɛ wɔnyɛɛɛ dɔŋŋ ni Yehowa wa wɔ lɛ, ehãa naanyobɔɔ ni yɔɔ wɔ kɛ lɛ teŋ lɛ mli waa. (Kanemɔ Yakobo 1:2-4.) Kɛ́ wɔmiina nɔ lɛ edɔɔ Yehowa waa, shi kɛ́ wɔtee nɔ wɔye lɛ anɔkwa lɛ, enáa miishɛɛ. Biblia lɛ kɛɔ akɛ: “Kɛ́ ekpakpa ni nyɛfeɔ lɛ hewɔ nyɛnaa nɔ, ni nyɛdamɔ naa lɛ, enɛ sa Nyɔŋmɔ hiɛ jogbaŋŋ.” (1 Petro 2:20) Kɛ́ wɔtee nɔ wɔye Yehowa anɔkwa lɛ, ebaahã wɔ naanɔ wala yɛ jeŋ hee lɛ mli. Ni mɛi ni baahi jɛmɛ lɛ baasɔmɔ Yehowa, ni mɔ ko mɔ ko eteŋ shi ewoŋ amɛ.—Mateo 24:13.
KASEMƆ PII OFATA HE
Obaana nɔ hewɔ ni wɔbaanyɛ wɔya nɔ wɔye Yehowa anɔkwa kɛ́ aawa wɔ yi po, kɛ nɔ ni ebaafee kɛjwere wɔ.
4. Kɛ́ owekumɛi miiwa bo yi lɛ, obaanyɛ oya nɔ oye anɔkwa
Yesu le jogbaŋŋ akɛ kɛ́ wɔkpɛ wɔyiŋ akɛ wɔbaasɔmɔ Yehowa lɛ, wɔwekumɛi lɛ ekomɛi náŋ he miishɛɛ. Nyɛkanea Mateo 10:34-36 lɛ, ni nyɛsusua sanebimɔ nɛɛ he:
-
Kɛ́ mɔ ko kpɛ eyiŋ akɛ ebaasɔmɔ Yehowa lɛ, mɛni ekolɛ ewekumɛi lɛ baawie loo amɛbaafee?
Bɔ ni afee ni ona enɛ he nɔkwɛmɔnɔ lɛ, jiemɔ VIDIO lɛ, ni nyɛsusua sanebimɔ ni nyiɛ sɛɛ nɛɛ he.
-
Kɛ́ owekunyo loo onaanyo ko kɛɛ okpa Yehowa sɔɔmɔ lɛ, mɛni obaafee?
Nyɛkanea Lala 27:10 kɛ Marko 10:29, 30 lɛ. Kɛ́ nyɛkane ŋmalɛi lɛ eko fɛɛ eko nyɛgbe naa lɛ, nyɛsusua sanebimɔ nɛɛ he:
-
Kɛ́ owekumɛi loo onanemɛi komɛi te shi amɛwo bo lɛ, mɛɛ gbɛ nɔ shiwoo nɛɛ baanyɛ awa bo?
5. Yaa nɔ ojá Yehowa kɛ́ aawa bo yi po
Ja wɔfee ekãa dani wɔbaanyɛ wɔsɔmɔ Yehowa kɛ́ mɛi miite shi amɛmiiwo wɔ. Jiemɔ VIDIO lɛ, ni nyɛsusua sanebimɔ ni nyiɛ sɛɛ nɛɛ he.
-
Mɛɛ gbɛ nɔ nyɛmimɛi lɛ aniiashikpamɔi lɛ ewo bo hewalɛ?
Nyɛkanea Bɔfoi 5:27-29 kɛ Hebribii 10:24, 25 lɛ. Kɛ́ nyɛkane ŋmalɛi lɛ eko fɛɛ eko nyɛgbe naa lɛ, nyɛsusua sanebimɔ nɛɛ he:
-
Kɛ́ amralofoi lɛ gu wɔshiɛmɔ nitsumɔ lɛ loo wɔkpeei lɛ po lɛ, mɛni hewɔ ehe hiaa ni wɔya nɔ wɔsɔmɔ Yehowa lɛ?
6. Yehowa baawa bo ni oya nɔ oye anɔkwa
Yehowa Odasefoi ni yɔɔ jeŋ fɛɛ lɛ, onukpai jio, gbekɛbii jio, yaa nɔ amɛsɔmɔɔ Yehowa kɛ́ aawa amɛ yi po. Bɔ ni afee ni ona nɔ ni waa amɛ lɛ, jiemɔ VIDIO lɛ. No sɛɛ lɛ, nyɛsusua sanebimɔ ni nyiɛ sɛɛ nɛɛ he.
-
Mɛni wa nyɛmimɛi nɛɛ ni amɛtee nɔ amɛye anɔkwa?
Nyɛkanea Romabii 8:35, 37-39 kɛ Filipibii 4:13 lɛ. Kɛ́ nyɛkane ŋmalɛi lɛ eko fɛɛ eko nyɛgbe naa lɛ, nyɛsusua sanebimɔ nɛɛ he:
-
Mɛɛ gbɛ nɔ ŋmalɛ nɛɛ hãa onaa akɛ, ekɔɔɔ he eko kaa ni okɛbaakpe lɛ obaanyɛ oya nɔ oye anɔkwa?
Nyɛkanea Mateo 5:10-12 lɛ, ni nyɛsusua sanebimɔ nɛɛ he:
-
Mɛni hewɔ obaanyɛ oná miishɛɛ kɛ́ aawa bo yi po?
Yehowa Odasefoi akpekpei abɔ miiya nɔ amɛmiiye anɔkwa, ekɔɔɔ he eko akɛ aate shi aawo amɛ. Bo hu obaanyɛ ofee nakai!
MƐI KOMƐI KƐƆ AKƐ: “Kɛ́ awa mi yi lɛ, minyɛŋ maya nɔ maye anɔkwa.”
-
Mɛɛ ŋmalɛi baanyɛ ahã amɛfee ekãa?
EMLI OTI
Kɛ́ aawa wɔ yi ni wɔtee nɔ wɔsɔmɔ Yehowa lɛ, ehiɛ sɔɔ waa. Ebaaye ebua wɔ ni wɔnyɛ wɔya nɔ wɔye lɛ anɔkwa!
Mɛni Okase?
-
Mɛni hewɔ esa akɛ Kristofoi akpa yiwaa gbɛ?
-
Mɛni obaanyɛ ofee amrɔ nɛɛ kɛsaa ohe oto yiwaa?
-
Mɛni baawa bo koni onu he akɛ ekɔɔɔ he eko kaa ni okɛbaakpe lɛ, obaanyɛ oya nɔ osɔmɔ Yehowa?
EHE SAJI KROKOMƐI
Obaana bɔ ni Yehowa ye ebua nyɛmi oblanyo ko ni etee nɔ eye lɛ anɔkwa be ni awo lɛ tsuŋ akɛni ekɛ ehe wooo maŋkwramɔŋ saji amli lɛ hewɔ.
Obaana nɔ ni wa nuu ko kɛ eŋa ni amɛtee nɔ amɛye Yehowa anɔkwa be ni ate shi awo amɛ afii pii lɛ.
Wɔtee nɔ Wɔsɔmɔ Yehowa Be ni Wɔkɛ Shihilɛ Ni Jaraa Kpe Lɛ (7:11)
Obaana bɔ ni obaafee ofee ekãa kɛ́ aawa bo yi.
Kɛ́ wɔwekumɛi te shi amɛwo wɔ lɛ, te esa akɛ wɔna lɛ wɔhã tɛŋŋ, ni mɛni esa akɛ wɔfee koni toiŋjɔlɛ ahi wɔ kɛ amɛ teŋ, ni yɛ nakai beiaŋ nɔŋŋ lɛ wɔya nɔ wɔye Yehowa anɔkwa?
“Anɔkwale Lɛ, Jeee Toiŋjɔlɛ Ekɛbaa, Shi Klante” (Buu-Mɔɔ, October 2017)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
