NIKASEMƆ 37
Nɔ Ni Biblia Lɛ Wieɔ Yɛ Nitsumɔ Kɛ Shika He
Ani oye otsui yɛ nitsumɔ loo shika he pɛŋ? Ebɛ mlɛo akɛ wɔbaatsu nii kɛkwɛ wɔhe ni nakai beiaŋ nɔŋŋ lɛ, wɔjá Yehowa bɔ ni ekpaa gbɛ lɛ. Enɛ he ŋaawoi kpakpai yɛ Biblia lɛ mli.
1. Mɛni Biblia lɛ wieɔ yɛ nitsumɔ he?
Nyɔŋmɔ sumɔɔ ni wɔnitsumɔ ahã wɔná miishɛɛ. Biblia lɛ kɛɛ “nɔ kpakpa ko bɛ kɛhã gbɔmɔ fe enɛ, akɛ . . . ená nii ni etsuɔ waa lɛ mli ŋɔɔmɔ.” (Jajelɔ 2:24) Yehowa tsuɔ nii waa. Kɛ́ wɔkase lɛ ni wɔtsu nii waa lɛ, wɔbaahã ená miishɛɛ ni wɔtsui baanyɔ wɔmli.
Nitsumɔ he hiaa. Shi esaaa akɛ wɔhãa nitsumɔ he hiaa wɔ fe jamɔ ni wɔbaajá Yehowa lɛ kɔkɔɔkɔ. (Yohane 6:27) Ewo shi akɛ, kɛ́ wɔhã jamɔ ni wɔbaajá lɛ lɛ he hia wɔ fe nɔ fɛɛ nɔ lɛ, ebaahã wɔ wɔhiamɔ nii.
2. Te esa akɛ wɔna shika wɔhã tɛŋŋ?
Biblia lɛ kɛɛ “shika buɔ mɔ he,” shi ebɔɔ wɔ kɔkɔ hu akɛ, shika pɛ hãŋ wɔná miishɛɛ. (Jajelɔ 7:12) Enɛ hewɔ lɛ, Biblia lɛ woɔ wɔ hewalɛ ni wɔkasumɔ shika, shi moŋ ‘wɔmii ashɛ nibii ni wɔyɔɔ amrɔ nɛɛ ahe.’ (Kanemɔ Hebribii 13:5) Kɛ́ wɔmii shɛ nibii ni wɔyɔɔ lɛ ahe lɛ, wɔyeŋ wɔtsui be fɛɛ be akɛ nɔ ni wɔyɔɔ lɛ faaa bɔ ni sa. Wɔfiliŋ nii kɛkɛ ni wɔyafaŋ shika kɛkɛ. (Abɛi 22:7) Wɔkɛ wɔhe woŋ asɔshwɛmɔ mli, ni wɔkɛ wɔshika hu woŋ nifeemɔi ni akɛɛ ehãa mɔ náa shika oya lɛ amli. Ni wɔnáŋ naagbai ni jɛɔ nibii nɛɛ amli kɛbaa lɛ eko.
3. Mɛɛ gbɛ nɔ wɔbaanyɛ wɔkɛ wɔshika afee ejurɔ?
Yehowa ji Nyɔŋmɔ ni feɔ ejurɔ waa, hewɔ lɛ kɛ́ ‘wɔfee ejurɔ, ni wɔsumɔ nihãmɔ’ lɛ, belɛ wɔmiikase lɛ ji no. (1 Timoteo 6:18) Kɛ́ wɔkɛ wɔshika fĩ asafo lɛ sɛɛ ni wɔkɛye wɔbua mɛi ni ehia amɛ, titri lɛ, wɔnyɛmimɛi Kristofoi lɛ, no tsɔɔ akɛ, wɔkɛ wɔshika miifee ejurɔ. Jeee shika abɔ ni wɔkɛfeɔ ejurɔ lɛ Yehowa kwɛɔ, shi moŋ nɔ hewɔ ni wɔfeɔ lɛ. Kɛ́ wɔjɛ wɔtsuiŋ wɔfee ejurɔ lɛ, wɔmii baashɛ wɔhe, ni Yehowa hu baaná wɔhe miishɛɛ.—Kanemɔ Bɔfoi 20:35.
KASEMƆ PII OFATA HE
Obaana nɔ hewɔ ni esa akɛ wɔná jwɛŋmɔ ni ja yɛ nitsumɔ he, ni wɔmii ashɛ nibii ni wɔyɔɔ lɛ ahe hu lɛ.
4. Tsɔ bɔ ni otsuɔ nii ohãa lɛ nɔ owo Yehowa hiɛ nyam
Esa akɛ naanyobɔɔ ni yɔɔ wɔ kɛ Yehowa teŋ lɛ asa bɔ ni wɔfeɔ wɔnii wɔhãa yɛ nitsumɔ he lɛ he. Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
-
Mɛni osumɔɔ waa yɛ bɔ ni Jason baa ejeŋ ehãa yɛ he ni etsuɔ nii lɛ yɛ lɛ he?
-
Mɛni efee ni tsɔɔ akɛ ehiɛ jwɛŋmɔ ni ja yɛ nitsumɔ he?
Nyɛkanea Kolosebii 3:23, 24 lɛ, ni nyɛsusua sanebimɔ nɛɛ he:
-
Mɛni hewɔ bɔ ni wɔfeɔ wɔnii wɔhãa yɛ nitsumɔ he lɛ he hiaa lɛ?
Nitsumɔ he hiaa. Shi esaaa akɛ wɔhãa nitsumɔ he hiaa wɔ fe jamɔ ni wɔbaajá Yehowa lɛ kɔkɔɔkɔ
5. Ehi akɛ wɔmii baashɛ nibii ni wɔyɔɔ lɛ ahe
Mɛi pii bɔɔ mɔdɛŋ koni amɛná shika pii. Shi esoro ŋaa ni Biblia lɛ woɔ wɔ yɛ shika he. Nyɛkanea 1 Timoteo 6:6-8 lɛ, ni nyɛsusua sanebimɔ nɛɛ he:
-
Mɛɛ ŋaa Biblia lɛ woɔ wɔ?
Kɛ́ wɔbɛ nɔ ko tsɔ po lɛ, wɔmii baanyɛ ashɛ wɔhe. Jiemɔ VIDIO lɛ, ni nyɛsusua sanebimɔ ni nyiɛ sɛɛ nɛɛ he.
-
Eyɛ mli akɛ wekui nɛɛ bɛ shika tsɔ moŋ, shi mɛni hewɔ amɛyɔɔ miishɛɛ lɛ?
Shi kɛ́ wɔyɛ nii, ni loloolo lɛ wɔmiitao pii wɔfata he hu? Yesu gba nɔkwɛmɔnɔ ko kɛbɔ kɔkɔ yɛ he. Nyɛkanea Luka 12:15-21 lɛ, ni nyɛsusua sanebimɔ nɛɛ he:
-
Mɛni okase yɛ Yesu nɔkwɛmɔnɔ lɛ mli?—Kwɛmɔ kuku 15 lɛ.
Nyɛkanea Abɛi 10:22 kɛ 1 Timoteo 6:10 lɛ, ni nyɛkɛ ekome ato ekroko lɛ he. No sɛɛ lɛ, nyɛsusua sanebimɔi nɛɛ ahe:
-
Te nibii enyɔ nɛɛ ateŋ nɔ ni he hiaa waa? Naanyo ni okɛ Yehowa baabɔ aloo shika pii ni obaaná? Mɛni hewɔ okɛɔ nakai?
-
Kɛ́ be fɛɛ be nɛɛ wɔmiitao wɔná shika pii lɛ, mɛɛ naagbai wɔkɛbaakpe?
6. Yehowa baahã wɔ nibii ni he hiaa wɔ
Kɛ́ wɔkɛ naagbai miikpe yɛ nitsumɔ gbɛfaŋ loo wɔbɛ shika tsɔ lɛ, no baanyɛ ahã wɔna kɛji wɔheɔ Yehowa wɔyeɔ. Jiemɔ VIDIO lɛ koni ona nɔ ni wɔbaanyɛ wɔfee kɛ́ wɔkɛ naagbai nɛɛ kpe, ni nyɛsusua sanebimɔi ni nyiɛ sɛɛ nɛɛ ahe.
-
Mɛɛ naagbai nyɛmi nuu lɛ kɛkpe?
-
Mɛɛ nibii efee kɛtsu naagba lɛ he nii jogbaŋŋ?
Nyɛkanea Mateo 6:25-34 lɛ, ni nyɛsusua sanebimɔ nɛɛ he:
-
Mɛni Yehowa ewo shi akɛ ebaafee ehã mɛi ni kɛ lɛ yeɔ klɛŋklɛŋ gbɛhe lɛ?
MƐI KOMƐI KƐƆ AKƐ: “Esa akɛ matsu nii waa koni manyɛ makwɛ miweku lɛ. Hewɔ lɛ, minyɛŋ maya asafoŋ kpeei daa otsi.”
-
Mɛɛ ŋmalɛ hãa oheɔ oyeɔ waa akɛ, Yehowa jamɔ ni obaahã ehe ahia bo fe nɔ fɛɛ nɔ be fɛɛ be lɛ, ji yiŋ ni hi fe fɛɛ ni obaanyɛ okpɛ?
EMLI OTI
Nitsumɔ kɛ shika he hiaa moŋ, shi esaaa akɛ wɔhãa amɛhe hiaa wɔ fe jamɔ ni wɔbaajá Yehowa lɛ kɔkɔɔkɔ.
Mɛni Okase?
-
Mɛni baawa bo ni oná jwɛŋmɔ ni ja yɛ nitsumɔ he?
-
Mɛni hewɔ ehi akɛ omii baashɛ nibii ni oyɔɔ lɛ ahe lɛ?
-
Mɛni obaanyɛ ofee kɛtsɔɔ akɛ oheɔ shi ni Yehowa ewo akɛ ebaakwɛ ewebii lɛ oyeɔ?
EHE SAJI KROKOMƐI
Obaana kɛji Biblia lɛ kɛɛ shika ehiii.
“Ani Shika Ji Nibii Fɔji Fɛɛ Ashishifã?” (jw.org lɛ nɔ sane)
Obaana ejurɔfeemɔ ni saa Nyɔŋmɔ hiɛ.
Ani naagba yɛ asɔshwɛmɔ he?
Obaana nɔ ni hã nuu ko ni shwɛɔ asɔ ni ejuɔ hu lɛ tsake.
“Kulɛ Minyaa Okpɔŋɔi Afoidamɔ He Waa” (Buu-Mɔɔ, November 1, 2011)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
