NIKASEMƆ 03
Ani Saji Ni Yɔɔ Biblia Lɛ Mli Lɛ Ja?
Shiwoi kɛ ŋaawoi pii yɛ Biblia lɛ mli. Ekolɛ ootao ole tsɔɔmɔi ni yɔɔ mli lɛ, shi ookwɛ ohe nɔ jogbaŋŋ hu yɛ Biblia lɛ he. Ani esa akɛ ohe shiwoi kɛ ŋaawoi ni yɔɔ wolo ni etsɛ tamɔ nɛkɛ lɛ mli lɛ oye? Ani wɔbaanyɛ wɔná Biblia lɛ mli ŋaawoi lɛ ahe sɛɛ ŋmɛnɛ? Ani wɔbaanyɛ wɔhe nɔ ni ekɛɔ yɛ wɔsɛɛ he lɛ wɔye? Mɛi pii baakɛɛ, ‘Hɛɛ.’ Kwɛmɔ akɛ okɛ amɛ baakpã gbee lo.
1. Ani eji anɔkwale akɛ saji ni yɔɔ Biblia lɛ mli lɛ ja?
Biblia lɛ diɛŋtsɛ kɛɛ saji ni yɔɔ mli lɛ ji “anɔkwa wiemɔi ni ja.” (Jajelɔ 12:10) Ewieɔ nibii ni tee nɔ lɛɛlɛŋ ni kɔɔ mɛi ni hi shi lɛɛlɛŋ lɛ ahe. (Kanemɔ Luka 1:3; 3:1, 2.) Blema nibii ahe nilelɔi pii ena akɛ, bei ni saji komɛi tee nɔ, gbɔmɛi, hei, kɛ nibii ni tee nɔ ni Biblia lɛ wieɔ he lɛ ja.
2. Mɛni hewɔ wɔbaanyɛ wɔkɛɛ akɛ Biblia lɛ be hoko lɛ?
Anɔkwa saji pii yɛ Biblia lɛ mli ni be ni aŋma lɛ, mɛi pii leee. Akɛ nɔkwɛmɔnɔ lɛ, ewie saji ni jeŋ shikpalɔi hu etao mli lɛ ahe. Mɛi heee nibii ni Biblia lɛ wie yɛ saji nɛɛ ahe lɛ ateŋ pii amɛyeee be ni aŋma lɛ. Shi nibii ni jeŋ shikpalɔi ena ŋmɛnɛ lɛ hãa anaa akɛ, nibii ni Biblia lɛ wieɔ lɛ ja. “Amɛma shi shiŋŋ, bianɛ kɛ agbɛnɛ hu, kɛmiiya naanɔ.”—Lala 111:8.
3. Mɛni hewɔ esa akɛ ohe nɔ ni Biblia lɛ ewie akɛ ebaaba wɔsɛɛ lɛ oye lɛ?
Gbalɛi a ni tsɔɔ “nibii ni anako afee lɛ” yɛ Biblia lɛ mli. (Yesaia 46:10) Blema saji pii yɛ ni ewie he kwraa dani amɛba mli. Agbɛnɛ hu, ewie nibii ni yaa nɔ yɛ je lɛ mli ŋmɛnɛ lɛ pii ahe fitsofitso. Wɔbaasusu Biblia lɛ mli gbalɛi lɛ ekomɛi ahe yɛ nikasemɔ nɛɛ mli. Bɔ ni amɛba mli pɛpɛɛpɛ lɛ baahã onaa akpɛ ohe!
KASEMƆ PII OFATA HE
Obaana bɔ ni ŋmɛnɛ lɛ, jeŋ shikpalɔi ena akɛ saji komɛi ni Biblia lɛ wie he lɛ ja, kɛ bɔ ni emli gbalɛi lɛ ekomɛi eba mli.
4. Jeŋ shikpamɔ kɛ Biblia lɛ kpãa gbee
Blema lɛ, mɛi pii yasusu akɛ shikpɔŋ lɛ ma nɔ ko nɔ. Jiemɔ VIDIO lɛ.
Kwɛmɔ nɔ ni aŋma yɛ Hiob wolo lɛ mli aaafee afii 3,500 ni eho nɛ. Nyɛkanea Hiob 26:7 lɛ, ni nyɛsusua sanebimɔ nɛɛ he:
-
Mɛni hewɔ wiemɔ ni ji, shikpɔŋ lɛ ‘tsotsorooo nɔ ko nɔ ko nɔ’ lɛ ji sane srɔto ko lɛ?
Aaafee afii 200 pɛ nɛ ni anu bɔ ni feɔ ni hulu lɛ gbalaa nu kɛjeɔ shikpɔŋ lɛ nɔ ni enɛɔ eshwieɔ shi ekoŋŋ lɛ shishi. Shi kwɛmɔ nɔ ni Biblia lɛ wie afii akpei abɔ ni eho nɛ. Nyɛkanea Hiob 36:27, 28 lɛ, ni nyɛsusua sanebimɔi nɛɛ ahe:
-
Mɛni onya he yɛ bɔ ni ŋmalɛ nɛɛ wie sane nɛɛ he lɛ he?
-
Ani ŋmalɛi ni okane nɛɛ ehã ohe Biblia lɛ oye waa?
5. Biblia lɛ gba nibii komɛi ni he hiaa waa ni ba
Nyɛkanea Yesaia 44:27–45:2 lɛ, ni nyɛsusua sanebimɔ nɛɛ he:
-
Aaafee afii 200 dani abaaye Babilon nɔ kunim lɛ, mɛɛ saji Biblia lɛ wie fitsofitso yɛ he?
Odaseyeli yɛ ni tsɔɔ akɛ, Maŋtsɛ Koresh, ni jɛ Persia lɛ, kɛ esraafoi lɛ ye Babilon nɔ kunim yɛ afi 539 D.Ŋ.B. b Amɛgbá gbɛ kroko amɛhã faa ni buɔ maŋtiase lɛ he lɛ. Babilonbii lɛ shi amɛgeetii lɛ amɛfɔ̃, hewɔ lɛ, Persiabii lɛ bote mli ni amɛŋɔ maŋ lɛ ní amɛwuuu ta. Afii 2,500 eho, ni Babilon efee koikoi. Kwɛmɔ nɔ ni Biblia lɛ tsɔ hiɛ egba.
Nyɛkanea Yesaia 13:19, 20 lɛ, ni nyɛsusua sanebimɔ nɛɛ he:
-
Mɛɛ gbɛ nɔ gbalɛ nɛɛ ba mli?
Bɔ ni Babilon efee koikoi ehã yɛ Iraq
6. Biblia lɛ gba nibii komɛi ni miiya nɔ ŋmɛnɛ
Biblia lɛ kɛɛ wɔyɛ “naagbee gbii lɛ amli.” (2 Timoteo 3:1) Kwɛmɔ nɔ ni egba akɛ ebaaya nɔ yɛ naagbee gbii lɛ amli.
Nyɛkanea Mateo 24:6, 7 lɛ, ni nyɛsusua sanebimɔ nɛɛ he:
-
Mɛɛ nibii Biblia lɛ kɛɛ ebaaya nɔ yɛ naagbee gbii lɛ amli?
Nyɛkanea 2 Timoteo 3:1-5 lɛ, ni nyɛsusua sanebimɔi nɛɛ ahe:
-
Mɛɛ sui Biblia lɛ gba akɛ mɛi baajie lɛ kpo yɛ naagbee gbii lɛ amli?
-
Te sui nɛɛ ateŋ nɔ ni onaa lɛ?
MƐI KOMƐI KƐƆ AKƐ: “Biblia lɛ, adesãi sɔŋŋ yɔɔ mli.”
-
Mɛni hãa oheɔ oyeɔ waa akɛ saji ni yɔɔ Biblia lɛ mli lɛ ji anɔkwale?
EMLI OTI
Blema saji, nibii ni jeŋ shikpalɔi ena, kɛ gbalɛi hãa wɔnaa akɛ Biblia lɛ ja.
Mɛni Okase?
-
Ani eji anɔkwale akɛ saji ni yɔɔ Biblia lɛ mli lɛ ja?
-
Mɛɛ Biblia mli saji jeŋ shikpalɔi ena akɛ amɛji anɔkwale?
-
Ani Biblia lɛ nyɛɔ egbaa nɔ ni baaba wɔsɛɛ? Kɛ́ okɛɛ ‘Hɛɛ’ lɛ, mɛni hewɔ, ni kɛ́ okɛɛ ‘Dabi’ hu lɛ, mɛni hewɔ?
EHE SAJI KROKOMƐI
Ani saji ni yɔɔ Biblia lɛ mli lɛ kɛ nibii ni jeŋ shikpalɔi ena lɛ kpãaa gbee?
“Ani Jeŋ Shikpamɔ Kɛ Biblia Lɛ Kpãa Gbee?” (jw.org lɛ nɔ sane)
Mɛni agba yɛ “naagbee gbii lɛ” he?
“Biblia Mli Gbalɛi 6 Ní Oona akɛ Amɛmiiba Mli” (Buu-Mɔɔ, May 1, 2011)
Obaana bɔ ni Biblia gbalɛi ni kɔɔ Greek Nɔyeli lɛ he lɛ ba mli.
Obaana bɔ ni Biblia gbalɛi hã nuu ko he Biblia lɛ eye.
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
