Nyɔŋmɔ wiemɔ, loo sane ní eyɔɔ kɛhã wɔ ŋmɛnɛ lɛ yɛ Biblia lɛ mli. Biblia lɛ tsɔɔ wɔ bɔ ni wɔɔfee wɔye omanye yɛ shihilɛ mli kɛ bɔ ni wɔɔfee wɔsa Nyɔŋmɔ hiɛ. Agbɛnɛ hu, ehãa sanebimɔi ni nyiɛ sɛɛ nɛɛ ahetoo:

Woji bibii 66 yɔɔ Biblia lɛ mli. Aja mli awo fãi enyɔ mli: Hebri kɛ Aramaik Ŋmalɛ lɛ (“Kpaŋmɔ Momo”) kɛ Greek Ŋmalɛ lɛ (“Kpaŋmɔ Hee”). Ajara Biblia mli woji lɛ ateŋ eko fɛɛ eko mli awo yitsei kɛ kukuji amli. Kɛ́ atsɛ ŋmalɛ ko lɛ, klɛŋklɛŋ yibɔ okadi ní aŋma yɛ Biblia mli wolo lɛ gbɛ́i lɛ sɛɛ lɛ ji yitso lɛ, ni yibɔ okadi loo okadii ni nyiɛ no sɛɛ lɛ ji kuku lɛ loo kukuji lɛ. Akɛ nɔkwɛmɔnɔ lɛ, 1 Mose 1:1 lɛ tsɔɔ Mose Klɛŋklɛŋ Wolo lɛ, yitso 1, kuku 1 lɛ.