Nyɔŋmɔ yɛ hewalɛ ni nɔ bɛ yɛ je lɛŋ fɛɛ. Biblia lɛ wie bɔ ni etsɔ ebɔ ŋulamii akpekpei toi akpei abɔ lɛ ahe akɛ: “Nyɛholea nyɛhiŋmɛii anɔ kɛyaa ŋwɛi, ni nyɛkwɛa. Namɔ bɔ enɛɛmɛi? Lɛ mɔ ni ejieɔ amɛsafo lɛ kpo yɛ yibɔ naa, ni etsɛɔ amɛ fɛɛ kɛ amɛgbɛii; enyɛmɔ ni fa kɛ ehewalɛ kpele lɛ hewɔ lɛ amɛteŋ ekome folo po eshwɛɛɛ.”—Yesaia 40:25, 26.

 Shi Nyɔŋmɔ jeee hewalɛ kpele ko kɛkɛ ni yɔɔ. Biblia lɛ kɛɔ akɛ eyɛ henumɔi tamɔ suɔmɔ kɛ nyɛ̃ɛ. (Lala 11:5; Yohane 3:16) Ehãa wɔleɔ hu akɛ adesai anifeemɔi baanyɛ ahã ená miishɛɛ loo edɔ lɛ.—Lala 78:40, 41.