ADUNA on hannde no heewi satteendeeji buy. Gereeji, masiibooji, ɲabbeeli, miskinaaku, yeenugol, e piiji bonɗi goo ko sonnji ujune ujune yimɓe. Hay onon hiɗon mari ko sonnjata on. Ko hommbo waawata en wallude ? No woodi goɗɗo kippuɗo fii men ?

Tigi tigi on, hiɗen waawi fellitude Alla no kippi fii men. O daali : « Debbo no waawa yejjitude boobo mun penu maa o ronka yurminde ɓiɗɗo makko reedu ? Hay si rewɓe ɓen yejjitii, min mi yejjitataa ma muk. » a

Anndugol ɗun ɓuttinay en ɓernde. Giggol Alla ngol no tiiɗi ɓuri giggol ko neeneejo marani ɓiɗɗo mun, ɗun-le ko ko hitti e tagaaɗo fota. Alla tertotaako en muk. Toodena o wallii en no haaniri. Honno ? Hollugol en honno heɓirten weltaare : gomɗinal haqiiqawal.

Heɓugol gomɗinal haqiiqawal okkay on weltaare. Sifa ngal gomɗinal wallay on woorugol satteendeeji buy e jittugol satteendeeji no haaniri non, satteendeeji ɗi on waawataa wooraade. Wallay on kadi no ɓadoroɗon Alla e okka on ɓuttu ɓernde. Gomɗinal haqiiqawal okkay en moƴƴere janngo : ngurndan poomayankejan ka nder aljanna !

Kono ko honɗun woni gomɗinal haqiiqawal ? Honno heɓirton ɗun ?