KAPITE 1

E ʼAoga Ko Ia Le Tosi-Tapu Kiate Koe?

PLAY

E tou fia iloa fuli pe koleā e tou maʼuli mamae ai, mo mamate ti mo lotātou maʼuli i le temi ka ʼau. Ti e tou tuʼania ki lotātou gā fāmili pe fefeʼaki ke lotou maʼua se maʼuli mālie. E tokagaʼi e le tokaʼapi e maʼua le tali ki vesili anei i le Tosi-Tapu, ti e toe tokoi le Tosi-Tapu kia lātou. Kae koleā lau manatu, e ʼaoga ko ia le Tosi-Tapu kiate koe?

1. Koā vesili e tali ki ai le Tosi-Tapu?

E tali le Tosi-Tapu ki vesili maʼuiga anei: Na kamata fefeʼaki le maʼuli? Koleā le uiga o lotātou maʼuli? Koleā e maʼuli mamae ai a kakai alā e agamālie? Koleā ka soko i le ʼoki o le mate? Koleā e lasi ai a tau mo maveuveu i le malamanei? Koleā loa ka soko ki le kele? Ko ia tokaʼapi na lotou fai a vesili anei ti na lotou maʼua ni tali maʼuiga i le Tosi-Tapu.

2. E ʼaoga ko ia le Tosi-Tapu ki lou maʼuli?

E tou maʼua i le Tosi-Tapu a ni tokoi ʼaoga ki le maʼuli fiafia o le fāmili, mokā tou lotososa, ti ke tou faʼa kataki i le gaʼoi. I le tosi leinei, e ke maʼua loa le manatu o le Tosi-Tapu o uiga mo anoʼaga anei ti mo ʼiki atu anoʼaga. Ti e ke tokagaʼi loa ‘ko le Tosi-Tapu kātoa e ʼaoga kiate koe.’—2 Timoteo 3:16.

E leʼese fetogi e le kaupepa leinei a le Tosi-Tapu, kae e tokoi atu ke ke matala ki ai. Ko ia e mālie ke ke lau a vaega alā e tuʼu i loto o le kaupepa leinei ti mo ke tioʼi pe anotasi mo anoʼaga alā e ke ako i ai.

MANATU LOLOTO

Tou tioʼi pe na fefeʼaki le tokoi o le Tosi-Tapu ki ʼiki, koleā e tonu ke ke fai ke ke fia lau ai le Tosi-Tapu, ti koleā e mālie ai ke tokoi atu se tasi ke ke matala ki ai.

3. E mafai ke tokoi mai le Tosi-Tapu

E fakatātā le Tosi-Tapu ki se mālama e mū mālie. E mafai ke fakamālamaʼi e ia otātou fakakaukau ki le toʼo o ni tonu mālilie ti e toe fakasā mai i ai a le fakatuʼutuʼu kia tātou i le temi kāʼau.

Lau Pesalemo 119:105, ti fai a vesili anei:

Koleā le manatu o le tagata na tosiʼia le pesalemo leinei ki le Tosi-Tapu?
Ti koleā loa lau manatu o uiga mo le Tosi-Tapu?

4. E tali le Tosi-Tapu ki vesili fuli

Na lasi a vesili na fai e se fafine talu mei fualoa, kae na maʼua loa e ia ona tali i le Tosi-Tapu. Tioʼi le GĀ ʼATA, ti fai a vesili anei.

GĀ ʼATA: ʼAua Na Kotou Lotogaʼegaʼe (1:48)

Koā vesili na fai e le fafine leinei?
Koā fua mālilie na maʼua e ia i lana ʼaga o ako le Tosi-Tapu?

E pati i le Tosi-Tapu ke tou soko atu i le fai o vesili. Lau Mateo 7:7, ti fai le vesili leinei:

E iai ko ia ni vesili e ke tau fai?

5. Le fiafia e maʼua i le lau o le Tosi-Tapu

Tokaʼapi ʼai lātou alā e lauʼia le Tosi-Tapu talie e lotou maʼua le fīmālie mei ai. Tioʼi le GĀ ʼATA, ti fai a vesili anei.

GĀ ʼATA: Lau Le Tosi-Tapu (2:05)

E fia lautosi fuli ko ia a tupulaga i le gā ʼata leinei?
Koleā loa e fia lau ai e lātou a le Tosi-Tapu?

E tou maʼua i le Tosi-Tapu se fakafīmālie ti mo se amanaki mālie. Lau Loma 15:4, ti fai le vesili leinei:

E ke fia iloʼia ko ia le amanaki mālie mo le fakafīmālie leia e māsau ki ai le Tosi-Tapu?

6. E maʼuiga ke tokoi mai se tasi kia tātou ke tou matala ki le Tosi-Tapu

Tokaʼapi e lotou lau le Tosi-Tapu, kae e lotou loto foki ke tokoi ake se tasi kia lātou ke lotou matala. Lau Tosi Gaoi 8:26-31, ti fai le vesili leinei:

E mafai ke tou matala fefeʼaki ki le Tosi-Tapu?—Tioʼi le vaega 30 mo le 31.

Na ʼaoga ke tokoi ake se tasi ki le tagata Etiopia ke matala a ia ki neʼa alā e ʼaga a ia o lau. Ti e toe felaʼaki mo tātou i le temi nei

E PATI A ʼIKI: “Ko le ako o le Tosi-Tapu ko le fakapuli temi.”

Kae koleā lau manatu? Ti koleā lona tupuʼaga?

MANATU TĀFITO

E tou maʼua i le Tosi-Tapu ni tokoi mālilie ki le maʼuli i aso fuli, mo tali ki vesili maʼuiga o le maʼuli, mo soli mai se fakafīmālie ti mo se amanaki mālie ki le kāʼau.