Etɛ Biblu ka Ðɔ?
Biblu ka sixu d’alɔ we bɔ a na ɖí xwi xá adohu adohu à?
Etɛ ka nyí xósin towe?
Ɛɛn
Eǒ
Boya
Nǔ e Biblu ɖɔ é
“Mi zlɔ́n nǔ e ɖò linkpɔ́n nyí nú mi wɛ lɛ bǐ sín agban ɖó [Mawu jí], ɖó é ɖò nukún kpé dó mi wu wɛ.” (1 Piyɛ́ɛ 5:7) Biblu na ganjɛwu mɛ ɖɔ Mawu sixu d’alɔ we bɔ a na mɔ kɔ dó sà fún ɖò nǔ e ɖò adohu adohu ɖó nú we wɛ lɛ é sí.
Nǔ ɖevo tɛ Biblu ka sixu kplɔ́n mǐ?
Enyi mǐ nɔ xoɖɛ ɔ, mǐ sixu mɔ “fífá Mawu tɔn” e nɔ ɖè adohu adohu lɛ kpò nú mɛ é.—Filipunu lɛ 4:6, 7.
Gɔ́ na ɔ, Xó Mawu tɔn xixa sixu d’alɔ we bɔ a na dɛ ɖò adohu adohu nu.—Matie 11:28-30.
Adohu adohu na wá vɔ gbeɖé à?
Mɛɖé lɛ ɖi ɖɔ . . . jɔ wɛ gbɛtɔ́ lɛ jɔ kpo adohu adohu kpo, bɔ mɛ ɖevo lɛ ɖi ɖɔ kú jɛn è na kú cobɔ adohu adohu xó ɔ na fó. Etɛ a ka lin?
Nǔ e Biblu ɖɔ é
Mawu na ɖè nǔ e nɔ zɔ́n adohu adohu lɛ é síìn. “Kú sɔ́ na tíìn ǎ, aluwɛ sɔ́ na tíìn ǎ, alěnina sɔ́ na tíìn ǎ, wuvɛ̌ mimɔ sɔ́ na tíìn ǎ.”—Nǔɖexlɛ́mɛ 21:4.
Nǔ ɖevo tɛ Biblu ka sixu kplɔ́n mǐ?
Ðò Axɔsuɖuto Mawu tɔn glɔ ɔ, gbɛtɔ́ lɛ na nɔ fífá kpo ayijayǐ kpo mɛ.—Ezayíi 32:18.
È na wɔn nǔ e nɔ zɔ́n adohu adohu zɛ xwé wu lɛ é.—Ezayíi 65:17.
