Mawu nɔ ɖótó. Biblu na jiɖe mǐ ɖɔ: “Mawu Mavɔmavɔ ɖò kpɔ́ xá mɛ e nɔ súxó ylɔ́ ɛ lɛ bǐ; ye mɛ e nɔ ylɔ́ ɛ kpo ayi yetɔn bǐ kpo lɛ. . . . Ye súxó ɔ, é nɔ sè.”—Ðɛhan 145:18, 19.

Mawu ba ɖɔ a ni nɔ xoɖɛ sɛ́dó emi. Biblu byɔ mǐ ɖɔ: “Mi ɖò ninɔmɛ ɖebǔ mɛ hǔn, mi ni nɔ sɔ́ kúdónúmɛ sín ayixa dó xoɖɛ, bo byɔ nǔ e hudo mi lɛ Mawu.”—Filipunu lɛ 4:6.

Mawu nɔ kpé nukún wǔ we tawun. Nǔ e ɖò mǐ xá wɛ lɛ é kpo nǔ e ɖò adohu adohu ɖó nú mǐ wɛ lɛ é kpo nɔ ɖu ayi mɛ nú Mawu tawun, b’ɛ nɔ ba na d’alɔ mǐ. “Mi zlɔ́n nǔ e ɖò linkpɔ́n nyí nú mi wɛ lɛ bǐ sín agban ɖó jǐ tɔn,” wɛ Biblu ɖɔ, “ɖó é ɖò nukún kpé dó mi wu wɛ.”—1 Piyɛ́ɛ 5:7.