VANUA KEI NA LEWENA
Veisiko i Uzbekistan
TRANSOXIANA. Qo na Yasayasa ena Tadrua ni Uciwai. O Tartary kei Turkistan. E levu na yaca e vakatokai kina na yasayasa sa kilai tu nikua me o Uzbekistan, qo na nodra “Vanua na lewe i Uzbek.” Mai na ika15 ni senitiuri era dau yaga vakalevu na siti e Uzbekistan nira veilakoyaki kina na dauveivoli ena gaunisala na Silk Road, qo na isotasota ni gaunisala levu a semati Jaina tu kei na Mediterranean ena dua na gauna. Nikua e volitaki vakalevu e Uzbek na isulu era caka mai na vauvau. Era volitaki tale tu ga kina na ibutubutu totoka era caka ena vauvau, kula, se silika.
Era uqeta e levu era bula ena veigauna sa sivi na ivakarau ni bula e Uzbek. Era taubaletaka na veikau kei na vanua dravuisiga kei Uzbekistan e levu na tamata rogo era dau vuaviri kei ira na nodra mataivalu kaukaua. E wili tiko kina o Alekisada na Ka Levu, e sotavi Roxane na nona daulomani ena vanua qori; o Genghis Khan mai Mongolia; kei Timur (e kilai tale ga me o Tamerlane), e kawa itaukei ena vanua qo qai lewa tu e dua na iwase levu ni vanua ena gauna makawa.
iSulu ni vanua
Dua na ka e kilai kina o Uzbekistan ena gauna qo oya na totoka ni roka karakarawa ni kena delavuvu ni vale, era ivakananumi. E levu ga sa vakayagataki tu me koronivuli.
Gaunisala na Silk Road. A vakayagataki tu na gaunisala qo ena gauna makawa sara, me yacova ni kune na sala me takosovi kina na wasawasa me yaco sara e Idia ena icavacava ni ika15 ni senitiuri G.V. E dau muri na gaunisala qo me caka kina na veivoli, qai dua na kena iwase e takosovi kina na vanua sa kilai tu nikua me o Uzbekistan. E isotasota sara tiko ga ni nodra vanua ni veivoli e levu.
Kena caka na ibutubutu silika
Wasawasa na Aral Sea. Qo na ikava ni drano levu duadua e vuravura ena dua na gauna, ia sa yali tiko yani vakamalua ena vuku ni kena vakadrodroi tani me vakasuasuataki kina na qele. E saga tiko o Uzbekistan me vakavinakataka na leqa qo, ra qai veitokoni kina na veimatanitu mai na Lomadonu kei Esia.
Veiveisau ni matuavosa e Uzbekistan. E levu na vosa era vakayagataki ena vanua qo. Na gauna era vuaviri kina na Musilimi ena ikawalu ni senitiuri, sa muri na vosa vakaArapea. Ia na gauna e to kina na vanua qo kei na matanitu makawa na Soviet Union, a vakayagataki taumada na matuavosa vakaLatina. E qai veisau tale ena icavacava ni veiyabaki ni 1930 ni muria na matuavosa vakaCyrillic, e vakayagataki ena so na vanua e Urope. A vakadonui ena 1993 e dua na lawa vou me vakayagataki kina na matuavosa ni Uzbek, e yavutaki ga ena matanivola vakaLatina.
Vuanikau mamaca era volitaki tu ena makete
Rawa ni o Wilika Tale ga
YADRA!
Veisiko i Niusiladi
E yanuyanu tu yawa o Niusiladi, ia voleka ni tolu na milioni na saravanua era gole kina e veiyabaki. Cava era dau gade kina i Niusiladi?
YADRA!
Veisiko i Kazakhstan
E nodra ivakarau ni bula na lewe i Kazakhstan na veitokiyaki, na nodra vale e vakatokai na yurt. Era vakatotomuria vakacava na lewe i Kazakhstan nikua na nodra ivakarau ni bula na tukadra?
YADRA!
Veisiko i Sipeni
E kilai tani o Sipeni ena ituvaki ni vanua kei ira na lewenivanua. Eso na ka e kilai kina o Sipeni e sega ni laurai ena so tale na yasa i vuravura.
YADRA!
Veisiko i Kyrgyzstan
Era dau veikauaitaki qai veidokai na lewe i Kyrgyzstan. Na cava e kilai me baleta na nodra vuvale?
YADRA!
Veisiko i Liechtenstein
Cava era taleitaka kina na dau saravanua na vanua lailai qo mera gade kina e veiyabaki?
YADRA!
Veisiko i Nicaragua
E drau vakacaca na yanuyanu era tiko kina. E kilai tani na kena waidranu nira bula kina na ika era dau kune vakalevu e wasawasa, me vaka na qio, sakuvorowaqa, kei na yavula.
