ULUTAGA LEVU | O DAU LEWA VINAKA NOMU BULA?
O Rawa ni Lewa Vinaka Nomu Bula?
E sega ni dua nikua me uasivi nona bula. Ia o na rawa ni lewa vinaka na nomu bula ke o dikeva vinaka na kemu ituvaki o qai cakava ga na ka e veiganiti. Ena vinaka ke o saga mo lewa vinaka tale nomu bula ke mani yaco eso na ituvaki dredre. Ke qai vinaka tiko ga, e totoka sara qori. Ia e dua na bula wananavu sara eda vakanamata tiko kina.
E yalataka na iVolatabu e dua na gauna era na rawa kina ni lewa vinaka nodra bula na lewe i vuravura kece. Era na marautaka nodra bula, ena sega tale ni dua na ka me vakalatilati vei ira me vaka na ituvaki ca, lomabibi, kei na rai cala. (Aisea 65:21, 22) Qori na “bula dina” me vaka ga e vakatoka na iVolatabu.—1 Timoci 6:19.
“Era na tara vale era na tiko kina, era na tea na loganivaini era na kania na vuana. Era na sega ni tara vale qai duatani e tawana, era na sega ni tea qai duatani e kania. Na nodra gauna na noqu tamata ena vaka na dede ni dua na vunikau, era na marautaka vakalevu na cakacaka ni ligadra o ira au digitaka.”—Aisea 65:21, 22.
Rawa ni o Wilika Tale ga
BALETI KEIMAMI
Vuna mo Vulica Kina na iVolatabu
Na iVolatabu e sauma na ka era dau lomatarotarotaka tu e levu e veiyasa i vuravura. O na via kila tale ga?
