E ripotetaka na Haaretz.com ni o ira na gone “e vakaleqai na ituvaki ni yagodra nira sucu, qai rawa ni dikevi vinaka na kedra ituvaki ena gauna era se kunekunetaki tiko kina,” sa na sega ni rawa nira veilewaitaka na tabana ni bula nira sega ni dikeva vinaka na kedra ituvaki. Ia o ira na itubutubu era rawa ni veilewaitaka na tabana ni bula, me saumi kina “na veika kece e gadrevi me qaravi kina vakavinaka na luvedra e vakaleqai na ituvaki ni yagodra.”

E rauta ni le 8 mai na le 10 na veiwatini e Ositerelia, era tiko vata ni bera nira vakawati.

E laurai ena iwiliwili e vakarautaka na Tabana ni Bula mai Kirisi ni tubu ena 40 na pasede na iwiliwili ni tamata era vakamatei ira ga ena imatai ni lima na vula ni 2011, ni vakatauvatani kei na iwiliwili ena gauna vata qori ena 2010. A yaco qori ena gauna e vakilai kina na leqa vakailavo ena 2011.

E tukuna na Natural Resources Defense Council ni rauta e 40 na pasede na kakana e veiyasai vuravura era vakasabusabutaki. Kena ivakaraitaki, e 7 na pasede na kakana e tei era sega ni tamusuki, e 17 na pasede na kakana e vakarautaki e valenikana era sega ni laukana, e vakamaumautaki tale ga e rauta ni 25 na pasede na kakana era volia na vuvale.

Se qai laurai ga qo i Madagascar na moko lailai duadua ni chameleon. * Na kena balavu e 29 na milimita, eso vei ira na moko braun lailai qo era rawa ni curu ina taukuku ni liga. E rawa ni kawaboko na manumanu qo baleta ni sa vakacacani tiko na nodra itikotiko.