Vosa Vakaibalebale 5:1-23
5 Na luvequ, mo vakarorogo ina noqu vuku.
Mo vakarorogo vinaka* ina noqu yalomatua,+
2 Mo taqomaka kina na nomu vakasamaMe maroroya na tebenigusumu na ka dina.+
3 Na tebenigusuna na yalewa murilomana* e titiri me vaka na denioni,+Kei na gusuna e dravia sara mai na waiwai.+
4 Ia e gaga na kena itinitini me vaka na kaugaga+E gata me vaka na iseleiwau batirua.+
5 E lako sobu na yavana vei mate.
E yacova na iBulubulu* na nona ikalawa.
6 E sega ni vakasamataka na sala ni bula.
Sa sese na nona sala, e sega ni kila na vanua e tini kina.
7 O koya gona kemuni na luvequ, moni rogoci au,Moni kua ni gole tani mai na ka au tukuna.
8 Mo yawaki koya,Mo kua ni torova na katuba ni nona vale,+
9 De o solia na kemu irogorogo vinaka vei ira na so+Qai vakayabaki na nomu rarawa,+
10 De ra vakaotia na vulagi na nomu iyau*+Qai kau na ka o bunoca ina vale ni kaitani.
11 Ke sega, o na vutugu ni o sa voleka ni mateNi sa waqo na lewemu kei na yagomu+
12 O na kaya: “Au cata na veivakavulici!
E beca na lomaqu na veivunauci!
13 Au sega ni rogoca na domodra na vakavulici auSe vakatudaliga vei ira na noqu qasenivuli.
14 Sa voleka sara niu vakaleqaiEna loma ni ivavakoso taucoko.”*+
15 Mo gunu wai mai na nomu mataniwaiKei na wai drodro* mai na nomu toevu.+
16 Vakaevei me drodro i tuba na nomu mataniwai,Na nomu waidrodro ena rara ni koro?+
17 Me nomu duadua ga,Me kua ni nomu vata kei ira na vulagi.+
18 Me kalougata mada ga na nomu ivurevure,Mo marautaka mada ga na yalewa o vakawatitaka mai na gauna o se cauravou kina,+
19 Na dia yalewa dau lomani kei na me rairai vinaka ni ulunivanua.+
Me vakamarautaki iko mada ga na sucuna ena veigauna.
Me rawai iko tiko ga na nona dodomo.+
20 Luvequ, na cava me rawai iko kina na yalewa murilomana*Se mokota na lomaserena na yalewa ivalavala dukadukali?*+
21 Ni tu ena mata i Jiova na ivalavala ni tamata,E raica matua na nona sala kece.+
22 E corita na tamata ca na nona caka ca,Ena vesu ga ena dali ni nona ivalavala ca.+
23 Ena mate ni lailai na ka e vulicaE lako sese ena levu ni nona yalowai.
iVakamacala e ra
^ Ipe., “Mo vakatudaliga.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “kaukaua.”
^ Ipe., “Ena loma ni isoqosoqo kei na ivavakoso.”
^ Se “dranu.”
