Same 79:1-13
Na sere i Esafa.+
79 Kemuni na Kalou, era sa curubotea na nomuni ivotavota na veimatanitu,+Era sa vakadukadukalitaka na nomuni valenisoro tabu,+Era sa vukici Jerusalemi me irusarusa.+
2 Era solia na yagodra mate na nomuni dauveiqaravi me kedra kakana na manumanuvuka ni lomalagiKei na lewedra na nomuni tamata yalodina vei ira na manumanu kila ni vuravura.+
3 Era sova laivi na nodra dra me vaka na wai e voliti Jerusalemi,Qai sega ni dua me buluti ira.+
4 Keimami sa vosavakacacataki vei ira na tiko volekati keimami,+O ira na voliti keimami era veivakasewasewani qai vakalialiai keimami.
5 Ena vakacava na dede ni nomuni cudru i Jiova? Ena tawamudu?+
Ena vakacava na dede ni kena caudre tiko vaka na bukawaqa na nomuni cudru?+
6 Ni sovaraka na nomuni cudru ina veivanua era sega ni kilai kemuniVei ira tale ga na veimatanitu era sega ni kaciva na yacamuni.+
7 Nira sa tilomi JekopeQai vakalala na nona vanua.+
8 Ni kua ni beitaki keimami ena vuku ni nodra cala na tukai keimami.+
Ni vakaraitaka totolo vei keimami na nomuni yalololoma,+Ni keimami sa vakalolovirataki sara.
9 Ni vukei keimami, kemuni na Kalou na neimami ivakabula,+Ena vuku ni yacamuni lagilagi,Ni vakabulai keimami, ni vosota* na neimami ivalavala ca ena vuku ni yacamuni.+
10 Na cava mera tukuna kina na veimatanitu: “I vei na nodra Kalou?”+
Ni keimami rai tu, mera kila na veimatanituNi sa saumi na vakadavei ni nodra dra na nomuni dauveiqaravi.+
11 Moni rogoca mada ga na nodra vutugu na kaivesu.+
Ni vakayagataka na nomuni kaukaua levu* mera maroroi* kina na totogimate.*+
12 Ni sauma lesu vakavitu vei ira na tiko volekati keimami+Ena vuku ni veivakanini era cakava vei kemuni, i Jiova.+
13 Ia o keimami, na nomuni tamata kei na sipi ni nomuni veico,+Keimami na vakavinavinakataki kemuni me tawamudu,Keimami na qai cavuta na veivakacaucautaki vei kemuni mai na dua na itabatamata ina dua tale na itabatamata.+
iVakamacala e ra
^ Ipe., “ubia.”
^ Ipe., “na ligamuni.”
^ Se rawa ni, “sereki.”
^ Ipe., “o ira na luve ni mate.”
