Same 7:1-17
-
Jiova na Turaganilewa yalododonu
-
“Ni lewai au, i Jiova” (8)
-
Na sere ni lolosi nei Tevita e lagata vei Jiova, me baleta na vosa i Kusi na Penijamini.
7 I Jiova na noqu Kalou, o kemuni ga au vakaruru+ kina.
Ni vakabulai au vei ira kece na vakacacani au tiko qai vueti au.+
2 Ke sega era na basuraki au vakamatailalai me vaka e dau cakava na laione,+E kauti au ni sega ni dua me vakabulai au.
3 I Jiova na noqu Kalou, ke dina na veibeitaki qo,Keu cakava na ivalavala tawadodonu,
4 Keu cala vei koya e caka vinaka vei au,+Seu butakoci koya na kequ meca ni sega na vuna,*
5 Me cemuri au sara na meca qai toboki au,Me buturaka na noqu bula ina qeleQai vakavuna me yali na kequ lagilagi ina kuvuniqele. (Sela)
6 I Jiova, ni tucake ena nomuni cudru,Ni tarova na cudru waqawaqa ni kequ meca,+Ni yadra ena vukuqu, qai vakarota me tau na lewadodonu.+
7 Laiva mera wavoliti kemuni na veimatanitu,Oni na qai yavala mai cake moni saqati ira.
8 Ena tauca na lewa o Jiova ina veimatatamata.+
Ni lewai au, i Jiova, me vaka na noqu yalododonuMe vaka tale ga na noqu yalodina.+
9 Yalovinaka, ni muduka na nodra ivakarau ca na daucaka ca,Ia moni vakataudeitaka na yalododonu,+Ni o kemuni na Kalou yalododonu+ oni dau dikeva na uto+ kei na veika titobu*+ au dau vakila.
10 E noqu isasabai+ na Kalou, e nodra iVakabula o ira e dodonu na lomadra.+
11 Na Kalou e Turaganilewa yalododonu,+Qai vakarogoya na Kalou na nona lewa* e veisiga.
12 E dau vagatara o koya na nona iseleiwau+ ke sega ni veivutuni+ e dua,E loveca qai vakarautaka nona dakaititi.+
13 E vakarautaka o koya na iyaragi ni mate,E vakarautaka na nona gasau caudre.+
14 Raici koya e buketetaka tiko na ca,E kunekunetaka na leqa qai vakasucuma na lasu.+
15 E kelia e dua na qara qai vakatitobutaka,Ia e lutu tale o koya ena qara a cakava.+
16 Na leqa e vakavuna o koya ena lesu tale i uluna,+Na nona itovo kaukaua ena lutuka na buradelana.
17 Au na vakacaucautaki Jiova ena vuku ni nona lewadodonu,+Au na sere ena vakacaucau ina yaca i Jiova,+ o koya sa Cecere Duadua.+
iVakamacala e ra
^ Se rawa ni, “Niu vakabulai koya e saqati au wale tu ga.”
^ Se “oni dau vakatovolea na uto kei na ivi.”
^ Se “Qai tauca nona cudru.”
