Same 34:1-22
Na same i Tevita, ni vakalecaleca voli ni leqa nona vakasama+ ena mata i Apimeleki, mani vakatalai koya qai lako sara.
א [Alefa]
34 Au na vakacaucau vei Jiova e veigauna,Na nona vakacaucautaki ena tu ga ena tebenigusuqu.
ב [Peca]
2 Au na sakitaki Jiova,+Era na rogoca na yalomalua ra qai marau vakalevu.
ג [Kimela]
3 Mai tomani au ena vakalagilagi Jiova,+Meda vakacerecerea vata na yacana.
ד [Teleca]
4 Au vakatarogi Jiova, e qai rogoci au o koya.+
E vakabulai au mai na ka kece au rerevaka.+
ה [Ai]
5 O ira na rai vua era serau mai,Na matadra e sega ni vakamadualaki rawa.
ז [Sayini]
6 E kaci o koya sa vakaloloma, qai rogoca o Jiova.
E vakabulai koya mai na nona leqa kece.+
ח [Eca]
7 Na agilosi i Jiova e keba wavoliti ira na rerevaki koya tiko,+Qai dau vakabulai ira.+
ט [Teca]
8 Tovolea mada qai raica ni vinaka o Jiova,+E marau na tamata e vakaruru vua.
י [Yota]
9 Ni rerevaki Jiova o kemuni kece na nona yalosavasava,Ni o ira na rerevaki koya, era sega ni leqa ena dua na ka.+
כ [Kafa]
10 Na luvenilaione kaukaua mada ga era sa walokai,Ia o ira na vaqarai Jiova, era na sega ni leqa ena ka vinaka.+
ל [Lameta]
11 Ni lako mai na luvequ, ni rogoci au,Au na vakavulici kemuni moni rerevaki Jiova.+
מ [Memi]
12 O cei vei kemuni e dau marautaka na bulaQai via raica e levu na siga vinaka?+
נ [Nuni]
13 Qarauna na yamemu mai na ca,+Na tebenigusumu mai na vosa veidabui.+
ס [Sameki]
14 Gole tani mai na ka ca qai cakava na ka vinaka,+Qara na veiyaloni qai gumatua sara kina.+
ע [Ayini]
15 Na mata i Jiova sa dei tu ga vei ira na yalododonu,+Na daligana tale ga e rogoca na nodra tagi ni kere veivuke.+
פ [Pe]
16 Ia na mata i Jiova e saqati ira na daucaka ca,Me bokoca laivi na kedra ivakananumi kece mai vuravura.+
צ [Sati]
17 Era tagi yani qai rogoca o Jiova,+E vakabulai ira mai na nodra leqa kece.+
ק [Kofa]
18 E voleka o Jiova vei ira sa ramusu na lomadra,+E vakabulai ira sa dasila na yalodra.*+
ר [Resi]
19 E levu na dredre* e vakila na yalododonu,+Ia o Jiova e vakabulai koya mai na ka kece qori.+
ש [Sini]
20 E yadrava tiko na nona sui kece,E sega ni dua e musuki.+
ת [Tau]
21 Na leqa tubukoso ena vakamatea na daucaka ca,Ena totogitaki o ira na cati koya na yalododonu.
22 O Jiova e volia lesu na nodra bula na nona dauveiqaravi,Ena sega ni totogitaki o ira na vakaruru vua.+
