Same 30:1-12
-
Vuki na lolosi me marau
-
Vakilai na yalololoma ni Kalou ena gauna ni bula (5)
-
Na sere ni kena vakatabui na vale.
Na same i Tevita.
30 Au na vakacerecerei kemuni, i Jiova, ni oni sa laveti* au cake,Oni sega ni laivi ira na kequ meca mera marau vakalevu ena vukuqu.+
2 I Jiova na noqu Kalou, au tagi ni kere veivuke vei kemuni, oni qai vakabulai au.+
3 I Jiova, oni sa laveti au cake mai na iBulubulu.*+
Oni vakabulai au tiko, oni tarovi au meu kua ni lutudromu ina qara.*+
4 Ni sere ena vakacaucau* vei Jiova, o kemuni na yalodina vua,+Ni vakavinavinaka ena yacana tabu,*+
5 Ni na vakilai na nona cudru ena dua ga na gauna lekaleka,+Ia ena vakilai na nona yalololoma ena gauna taucoko ni bula.+
De na yaco na tagi ena bogi, ia ena mataka na kaila ni marau.+
6 Niu tikovinaka, au kaya:
“Au na sega vakadua ni yavalati.”*
7 I Jiova, ni oni se lomani au voli, oni vakavuna meu kaukaua vaka na ulunivanua.+
Ia au domobula ni oni vunia na matamuni.+
8 Vei kemuni, i Jiova, au kaci tiko ga,+Au vakamamasu tiko ga vei Jiova meu lomani.
9 Na cava na yaga ni noqu mate,* kei na noqu lako sobu ina qara?*+
Ena vakacaucautaki kemuni na kuvuniqele?+ Ena tukuna na nomuni yalodina?+
10 Ni rogoca, i Jiova, ni lomani au.+
I Jiova, moni dau vukei au.+
11 Oni sa vukica na noqu lolosi me meke,Oni sa luvata na noqu isulutaga, qai vakaisulutaki au ena marau,
12 Meu* vakacaucautaki kemuni ena sere qai sega ni galu.
I Jiova na noqu Kalou, au na vakacaucautaki kemuni me tawamudu.
iVakamacala e ra
^ Se “dreti.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “ina ibulubulu.”
^ Se “Ni vakatagi.”
^ Ipe., “ivakananumi.”
^ Se “sega vakadua ni tataivatia (taceba).”
^ Ipe., “noqu dra.”
^ Se “ina ibulubulu.”
^ Se “Na kequ lagilagi me.”
