Same 142:1-7
Na Masikili.* Na Same i Tevita, ni se tiko ena loma ni qaravatu.+ Na masu.
142 Au kaci ni kere veivuke vei Jiova ena domoqu,+Au vakamamasu ena domoqu vei Jiova meu lomani.
2 Au sova yani e matana na noqu nuiqawaqawa,Au tukuna yani e matana na noqu rarawa+
3 Ni sa malumalumu na yaloqu.*
Oni qai yadrava na noqu sala.+
Ena sala au dau taubaletaka,Era vunia kina na kequ dai.
4 Vakaraica na ligaqu imatau qai raicaNi sega ni dua e kauaitaki* au.+
E sega ni dua na vanua au dro rawa kina,+E sega ni dua e bau leqataki au.
5 Kemuni Jiova, au kaci yani vei kemuni meu vukei.
Au kaya: “O kemuni na noqu ivakaruru,+Na ka sa vo tu vei au* ena nodra vanua na bula.”
6 Ni kauaitaka na noqu tagi ni kere veivuke,Niu sa vakalolovirataki sara ga.
Ni vakabulai au vei ira na dauveivakacacani,+Nira kaukaua cake vei au.
7 Kauti au tani mai na qara butoMe vakacaucautaki kina na yacamuni.
Mera soqoni wavoliti au na yalododonuNi oni dau yalovinaka ena ka oni cakava vei au.
iVakamacala e ra
^ Raica na iVakamacala ni Vosa.
^ Se “na noqu kaukaua.”
^ Ipe., “kilai.”
^ Ipe., “Noqu ivotavota.”
