E tiko ena iVolatabu na ivakasala vinaka duadua me baleta na bula. Ke o dau wilika, vakasamataka vakatitobu, qai muria “ena rawa vinaka nomu sasaga.” (Josua 1:8; Same 1:​1-3) O na kila vinaka kina na Kalou kei Luvena, o Jisu, ena rawati tale ga kina na bula tawamudu.​—Joni 17:3.

Na ituvatuva cava mo muria mo wiliki ira kina na ivola era tu ena iVolatabu? E vakatau sara ga vei iko. Na kena qo ena vukei iko mo wiliki ira na ivola ena kedra ituvatuva ga era tuvani tu kina, se mo wiliki ira vakaiwasewase. Kena ivakaraitaki, o rawa ni digia e dua na kena iwasewase e vakamacalataki kina vakalekaleka na veika e dau vakayacora na Kalou vei ira e Isireli. Dua tale na iwasewase o rawa ni wilika kina na kena tauyavutaki kei na kena tubu na ivavakoso vaKarisito ena imatai ni senitiuri. Ke o wilika e vica na wase ena dua na siga, o na rawa ni wilika taucoko na iVolatabu ena loma ni dua na yabaki.

Ena vukei iko na ituvatuva qo se mani sala cava o vakasamataka tiko mo muria ni o wili iVolatabu​—e veisiga, dua na yabaki, vaka kina ni o se qai tekivu. Me download na iTuvatuva ni Wili iVolatabu qo, mo tekivu sara nikua.