Tekivu mai na Feperueri 2021, e vakilai tiko e Myanmar na tikoyavavala. Ni se vo tu e vica na macawa me caka na iVakananumi ni mate i Karisito, e levu na lewenivanua era veivala nira vakayagataka na iyaragi. Qori e vakavuna vei ira e levu na 5,102 na dautukutuku me sega na nodra internet. Era mani vakayagataka na tacida na talevoni mera rogoca kina na ivunau ni iVakananumi.

Ena dua na siti, era veivala e levu nira vakayagataka na dakai ena siga sara ga ni iVakananumi. Era curuma na sotia eso na vale mera vaqarai ira era vakavuna na tikoyavavala. Ia e vakacegui ira na tacida na tikinivolatabu ni yabaki qo na Aisea 30:15, ‘moni tiko vakacegu qai vakanuinui tiko vei Jiova.’ O ira na tacida era tu ga i nodra vale, era vosa tiko ga i ra, sega ni ramase sara na cina ni nodra vale ra qai vakananuma na mate i Jisu. Dina ni yaco tu na tikoyavavala, ia era tiko ena iVakananumi e dua na iwiliwili levu duadua. Levu vei ira qori era vakarorogo ga ena nodra talevoni.

Era tiko gona ena iVakananumi e Myanmar e 11,877. Qori e rauta ni 14 na pasede na tubu mai na iwiliwili levu era tiko ena 2019.

Dina ni yaco na tikoyavavala, ia eda vakadeitaka ni marau na Tamada vakalomalagi o Jiova ni raici ira na tacida nira yalodina tiko ga ni qaravi koya.—Vosa Vakaibalebale 27:11.