Ena ika6 ni Seviteba 2021, dua na ka na bi ni uca qai vakavuna na waluvu e Mexico e Loma. Ena siga e tarava e yaco na uneune e 7.1 na kena kaukaua. E vakacaca ena ceva kei Mexico ena yasayasa o Guerrero, kei na so tale na vanua e Mexico e Loma.

• Waluvu

  • Tokitaki e 61 na mataveitacini

  • Vakacacani vakalailai e 2 na Vale ni Soqoni

  • Vakacacani vakalailai e 68 na vale

• Uneune

  • Tokitaki e 71 na tacida

  • Mavoa e 12 na mataveitacini

  • Vakacacani vakalailai e 42 na Vale ni Soqoni

  • Vakacacani vakalailai e 220 na vale

  • Vakacacani vakalevu e 76 na vale

  • Vakarusai e 7 na vale

• Waluvu

  • Eso na tacida era sa tokitaki vei ira na wekadra

  • Era vakarautaka na ivakakoso e 104 na reseni kakana vei ira na vakaleqai

• Uneune

  • Era vakacilitaki na tacida vei ira wekadra, kei ira na mataveitacini

  • Era qaravi totolo vakavuniwai na tacida era mavoa, era sa bula vinaka sara tiko ena gauna qo

Levu na tacida era sa vakarautaka oti tu nodra kato (go bag) ena gauna e yaco kina na leqa tubukoso. E totolo tale ga nodra muria nodra veidusimaki na vakailesilesi. Gauna qo era se vakadikeva tiko na ivakatawa ni tabacakacaka kei na Komiti ni Vakacoko, na kedra ituvaki na tacida. Era vakayaloqaqataki ira tale ga na vuvale era vakaleqai. Gauna vata qori e muri tiko ga na vakatatabu ni matedewa.

Era vakaraitaka tu ga na mataveitacini na nodra nuitaki Jiova, kei na nona isoqosoqo. Eda nuidei tale ga ni o Jiova ena vukei ira, qai taqomaki ira tiko ga.—Aisea 26:3.