Ena vulaikatakata ni 1946, era sere na tacida cauravou mai na keba ni veivakacakacakataki ena veivanua tu yawa kei Kenada. Era vesu tu ena vica vata na keba, ra qai vakaukauataki e rauta ni le 300 na tacida cauravou mera cakacaka nira sega ni via curu ina mataivalu ena vuku ni nodra vakabauta. Ia era yaloqaqa tiko ga ni vosota na ituvaki dredre ena keba. E qaqaco tale ga na nodra veiwekani kei Jiova ena gauna ra sere mai kina. Qo sa ika75 ni yabaki na nodra sere mai ena keba ni veivakacakacakataki. Dua vei ira na tacida qori o Brother Don MacLean, e se bula tiko ena gauna qo. E kaya: “E vaqaqacotaka na noqu vakabauta na levu na ituvaki dredre au sotava ena gauna ni ivalu. Qori e dua na ka au na vakavinavinakataka tu ga vei Jiova.”