Ena mataka lailai na ika18 ni Tiseba, e kama na siti o Manaus e Brazil, qai vakacacani kina e rauta ni 600 na vale. E sega ni dua e mate, ia ratou mavoa e le 4 qai sivia na le 2,000 era tokitaki.

E ripotetaka na valenivolavola ni tabana e Brazil, ni sega ni dua na tacida e mate se mavoa. Ia e le 10 na tacida e kama yavu nodratou vale, ra tokitaki tale ga e le 18 na tacida kei ira na wekadra era sega ni iVakadinadina i Jiova. Ena veidusimaki ni valenivolavola ni tabana, sa veivuke tiko na Komiti ni Vakacoko ena nodra vukei na tacida era vakaleqai.

Eda nuidei nira na nuitaki Jiova tu ga na tacida, ni noda “ivakaruru tudei ena gauna ni leqa.”—Same 9:9, 10.