Aval ô ne tugha buane meyeghle me ya Bible meté
Ôsusua daghe é dzam da zu di, éyong té daghe ÉNGENGENG.
ÉTUN ÔSUA
Kômane kada ayeghle, langhe étun ôsua. Minsili mi ne édedèè nsut (A) ya bifus bi ya Bible (B) bia ngône nlô-adzô mia yen. Baghle naa bia yiène lang bifus bise bi ne ntsilane naa « a lang ».
ÉTUN BÈÈ
Bifiè bi ne ntsilane (C) é vôm ô ne naa A tugha fas bia ye ngône é dzam bia ye yen. Boan minlô medzô (D) mia ye lere ôsiman bia ye ngône. Langhe bifus bi ya Bible, yalane minsili, ya daghe bingengeng.
ÉNGENGENG é ne minkaalé été da lôm mina bingengeng bia koghle nlô-adzô. Bingengeng bizing bia lere é mam bôt be nga ning. Ébi bivoo bia lere é mam nge ki é bôt béé dzi ki ning, ve bia lere é mam ma boban éning.
Tugha daghe befôrô ya meyilgha meba (E), ye simane aval ô ne yalane Nge môr ézing a dzô wô naa (F).
ÉTUN LAL
Akighe bes ye Ôbaghle (G) Ayeghle da mane ya akighe bes ye ôbaghle. Tsilighe é môs ô va man ya ayeghle. É vôm ô ne ntsilane naa É dzam wa ye bo (H) da likh naa ô tsili é mam ô bele naa wa ye bo. É vôm ô ne ntsilane naa Ô ne fe ke daghe (I) ô bele mefuèñ nge ki bingengeng bife ô ne lang nge ki a daghe.
Aval ô ne yen bifus bi ya Bible
Bible a bele mebakh 66. A ne nkaban bitun bibèñ : Ntsilane hébraïques-araméennes nge ki Hebreo-arameas (« Ancien Testament nge ki Antiguo Testamento ») ya grecques chrétiennes nge ki Griegas cristianas (« Nouveau Testament nge ki Nuevo Testamento »).
Éyong ba tu éfus ayeghle été, ba belane éyôla abakh ya Bible (A), éberane vèè abong (B), éyong té ba mane ya éfus nge ki bifus (C).
Éfônan, Jean 17:3 ba lang ñe naa Jean, abong 17, éfus 3.
