AYEGHLE 02
Bible a ve bia mebun
Abuiñ bôt ba tubane minzukh mia ve be naa be tobe éngôngol, be kele min’nem ôyô, ya wôrane mintèñ. Ye wa fe ô tubane ya aval minzukh mia ve naa ô wôrane aval té ? Tam ézing wa dzukh amu naa ô bele ôkoan ézing, nge ki naa ô va dzimle é môt wa dzing. Ô ne sili wamièn naa, ‘ye bia ye bele éning é ne kaa minzukh môs ézing ?’ Bible a ve mbemba éyalane nsili té.
1. Za mebun Bible a ve bia akal melu ma zu ?
Bible a lere bia amu dzé minzukh mi ne abuiñ, a ve fe bia mbemba fuèñ naa Nzame a kuna zu vèè minzukh mité misese. Mengiagh me ya Bible me ne « mina ve mbemba éning akal melu ma zu ya mebun. » (A lang Jérémie 29:11, 12.) Mebun meté me ne mia vole naa mi zôme minzukh mia tubane mio ya ning mevakh été ému. Mengiagh meté, ma ve fe bia mebun naa bia ye ning mevakh été mbèmbèè.
2. Za mam Bible a dzô naa ma yane bia melu ma zu ?
Bible a dzô naa melu ma zu « awu daa ye ki fe bera bo, kaa fe minyôn, mintèñ mii se ki fe. » (A lang Melere 21:4.) Minzukh misese mia ve naa bôr be yôn ému—ane agèñ, kaa sôsôe, akoan, ya awu—mia ye ki fe bera bo. Bible a kiagh naa boan be-bôt ba ye buane éning a Paradis nge ki Paraíso a si va mbèmbèè.
3. Amu dzé bi ne bele mebun naa mengiagh me ya Bible ma ye dzalban ?
Abuiñ bôt ba bunu naa mbemba be mam meté ma ye bobane, ve baa yem ki nge ma ye man dzale mekômgha meba. Ve, mengiagh me ya Bible méé se ki ane éma mevoo. Bi ne veme mebun mèè ébe é mam Bible a dzô éyong « bia tugha fas mintsilane mi ne été. » (Bisè mintôl 17:11) Ayeghe Bible dwiè, da ye likh naa wamièn ô yen nge ô ne bunu é dzam Bible a dzô nfa ye mengiagh Bible a ve akal melu ma zu.
A TUGHA FAS
N’yenghan mengiagh m’ézing Bible a ve ma daghe melu ma zu. Daghe aval ane mengiagh Bible a ve ma vole bôt ému.
4. Bible a kiagh bia naa bi ne bele éning é ne mbèmbèè kaa minzukh
Daghe minlong mia zu mi été, mengiagh Bible a ve. Za mengiagh wa dang dzing été ? Amu dzé wa dzing mo ?
Langhe bifus ba tup mengiagh meté été, ya yalane minsili mi :
-
Ye wa tem naa bifus bité bi ne wô ve mebun akal melu ma zu ? Ye wa tem naa, é nda bôt dwiè ya mengom mwiè, be ne fe bele abuane nge ba yeghe mengiagh me ne bifus bité été ?
Simeghane aval éning da ye bo a Paradis nge ki Paraíso
|
MÔR AA YE KI FE BERA . . . |
MÔR ASE A YE . . . |
|---|---|
|
|
|
|
|
|
|
|
|
|
5. Mengiagh me ya Bible mèè se ki ane éma mevoo
Abuiñ bôt be mana sili mô ôsi, nge ki naa ba wokh ôlun akal mbimbia be mam mese ma bobane bo minfeng. Éba bevoo ki ba dzeng ya ngu’u ése naa mam me tsen. Daghane ane é mbemba mengiagh kalare Nzame a ve akal melu ma zu ma vole bôt ému. Daghane ÉNGENGENG, éyong té mia yalane minsili mia zu mi :
ÉNGENGENG : Quería luchar contra las injusticias nge ki Je voulais combattre l’injustice (4:07)
-
Éngengeng di été, za mbimbia mimboane mi mbe mi ndaghle Rafika ?
-
Afang bo naa a mbe é tubane é mam mèè se ki sôsôe aval avé Bible a nga vole ñe ?
Éyong bia bunu mengiagh me ne a Bible été ma daghe melu ma zu, é ne bia vole naa bi ta’a sili mo ôsi ya bele mevakh amben bia tubane minzukh. A lang Minkana 17:22 ya Beromain 12:12, ya yalane nsili wa zu wi :
-
Ye mina tem naa é mbemba mengiagh mia yen a Bible été me ne ve naa bi bele éning da dang mbeng ému ? Amu dzé mina tem do ?
NGE MÔR ÉZING A DZÔ WÔ NAA : « Mengiagh me ya Bible méé se ki dzalban môs ézing. »
-
Amu dzé é ne éban naa wamièn ô tugha fas mengiagh me ne a Bible été ?
AKIGHE BES
Bible a bele abuiñ mengiagh akal melu ma zu me ne bia ve mebun ya naa bi bele mbemba éning ému.
Ôbaghle
-
Amu dzé é ne éban naa bôr be yem mengiagh Nzame a ve bia ?
-
Za dzam Bible a dzô da daghe melu ma zu ?
-
Aval avé mebun bi bele akal melu ma zu me ne bia vole ému ?
Ô NE FE KE DAGHE
Yeghe aval avé mengiagh meté me ne bia vole éyong bia tubane minzukh.
« L’espoir—où le trouver ? » nge ki « Esperanza—¿dónde hallarla? » (Réveillez-vous !, 22 avril 2004 ; ¡Despertad!, 22 de abril de 2004)
Yeneghan aval mengiagh ma daghe melu ma zu me ne vole é bôr ba ning ya mbia ôkoan.
« Vivre avec une maladie chronique—la Bible est-elle utile ? » nge ki « ¿Puede la Biblia ayudarnos a sobrellevar una enfermedad? » (Nlô adzô té ô ne a nden)
Nté mia ye daghe éngengeng da lôr ye mezik di, yeneghan mia bebién ya é nda bôt denan mii buane éning Bible a nga kiagh bia akal melu ma zu.
Contemplo ese día nge ki Imagine ce jour (3:37)
Langhe aval avé éning é môr a mbe é dzeng naa a tsen mam é nga tsen, éyong a nga yeghe mengiagh ma so a Bible été ma daghe melu ma zu.
« Je ne pense plus devoir changer le monde » nge ki « Ya no siento la necesidad de cambiar el mundo » (La Tour de Garde, 1er juillet 2013 ; La Atalaya, 1 de julio de 2013)
