1. Bi ne baaba ai Zamba waan,

Bia wulu a zen a teléya.

A yi na a lere bia mvam,

Nge bia wulu a mebendé moé.

A yi bia soé abui bemaa,

Émen a mfamen ai bia,

Bia ve nyè énying dzaan ése,

A Zamba bi bana nguma.

2. Olun Satan o ne anen,

A yem na bi ne a memana.

A fem bia be bò bisié boé,

Na bi dzogè wò, bi tong ve nyè.

Ve bia yem na bia ding ve wò,

Bia yi wò subu babi;

Bia ye wò kang bi teg telé,

Bi tegè koro a zen dzoé.

3. Bikpelé bi Zamba bina:

Akonda, Bibel ai Nsisim woé.

Bi bele fe mengaaga moé.

Ngogelen ya ve bia ngul a nyòl.

Mam me té mmò ma vòli bia,

Na bi wulu à mfuben;

Na bi baala élat ai nyè,

Bi ke osu baaba ai nyè.