Frogatzen al dute profezia mesianikoek Jesus Mesias zela?
Bibliaren erantzuna
Bai. Jesusek Mesiasi buruzko profeziak bete zituen lurrean egon zenean. Mesias «buruzagi sagaratua», etorkizunean «munduaren salbatzaile» izango zela diote profezia hauek (Daniel 9:25; 1 Joan 4:14). Hil ondoren ere, Jesusek profezia mesianikoak betetzen jarraitu zuen (110. Salmoa 1; Eginak 2:34-36).
Zer esan nahi du «Mesias» izenak?
Ma·shiʹakh (Mesias) hebreerazko terminoak eta esanahi bera duen Khri·stos (Kristo) hitz grekoak «gantzutu» esan nahi dute. Beraz, «Jesu Kristo» izenak «Jesus gantzutua» edo «Jesus Mesias» esan nahi du.
Biblia garaian, norbait autoritate berezi bat izateko aukeratzen zenean, olioa isurtzen zioten buruan (Lebitarrena 8:12; 1 Samuel 16:13). Jainkoak Jesus aukeratu zuen autoritate handia izateko, hau da, Mesias izateko (Eginak 2:36). Baina olioz gantzutu beharrean, Jainkoak espiritu santuaz gantzutu zuen Jesus (Mateo 3:16).
Bete al ditzake pertsona batek baino gehiagok profezia mesianikoak?
Ez. Hatz-aztarna batek pertsona bakar bat identifikatzen duen moduan, Bibliako profeziek Mesias edo Kristo bakarra identifikatzen dute. Hala ere, Bibliak hurrengoa ohartarazi zuen: «Gezurrezko mesiasak eta sasiprofetak agertuko dira eta aukeratuak berak ere, ahal balitz, engainatzeko moduko mirari handiak eta egintza harrigarriak egingo dituzte» (Mateo 24:24).
Posible al da etorkizunean Mesias agertzea?
Ez. Mesias Israelgo Dabid erregearen ondorengo izango zela aurresan zuen Bibliak (89. Salmoa 4, 5 [89:3, 4, NWT]). Baina judutarren erregistro genealogikoak galdu egin ziren. Dirudienez K.o. 70. urtean galdu ziren, erromatarrek Jerusalem suntsitu zutenean. a Beraz, orduz geroztik inork ezin izan du frogatu Dabid erregearen ondorengoa denik. Erregistro horiek, aldiz, Jesusen garaian existitzen ziren eta Jesusen etsaiek ere ez zuten ukatu bera Dabiden ondorengoa zenik (Mateo 22:41-46).
Zenbat profezia mesianiko daude Biblian?
Ezin da zenbaki zehatz bat eman. Mesiasi buruz argi hitz egiten duten pasarteetan ere, profezia hauek modu desberdinetan zenbatu daitezke. Adibidez, Isaias 53:2-7 pasartean Mesiasi buruzko hainbat gertaera profetiko aipatzen dira. Batzuentzat pasarte osoa profezia bakar bat da. Beste batzuentzat, aldiz, gertaera bakoitza profezia bat da.
Jesusek bete zituen profezia mesianikoetako batzuk
Gertaera |
Profezia |
Betetzea |
|---|---|---|
Abrahamen ondorengoa izan zen |
Hasiera 22:17, 18 |
|
Isaaken ondorengoa izan zen |
Hasiera 17:19 |
|
Judaren leinukoa izan zen |
Hasiera 49:10 |
|
Dabid erregearen ondorengoa izan zen |
Isaias 9:6 [9:7, NWT] |
|
Bere ama birjina izan zen |
Isaias 7:14 |
|
Belenen jaio zen |
Mikeas 5:1 [5:2, NWT] |
|
Emmanuel izena eman zioten b |
Isaias 7:14 |
|
Hasiera apala izan zuen |
Isaias 53:2 |
|
Haurtxo askoren hilketa gertatu zen bera jaio ondoren |
Jeremias 31:15 |
|
Egiptotik ateratzeko deia jaso zuen |
Oseas 11:1 |
|
Nazaretarra deitu zioten c |
Isaias 11:1 |
|
Mezulari bat egongo zen bere aurretik |
Malakias 3:1 |
|
Mesias izateko gantzutua izan zen K.o. 29. urtean d |
Daniel 9:25 |
|
Jainkoak bere Semea zela aditzera eman zuen |
2. Salmoa 7 |
|
Jainkoaren etxearengatik gogo bizia erakutsi zuen |
69. Salmoa 10 [69:9, NWT] |
|
Berri onak zabaldu zituen |
Isaias 61:1 |
|
Bere predikazioa argia izan zen Galilearentzat |
Isaias 8:23 [9:1, NWT]; 9:1 [9:2, NWT] |
|
Mirariak egin zituen Moisesek bezala |
Deuteronomioa 18:15 |
|
Jainkoaren mezuaz hitz egin zuen Moisesek bezala |
Deuteronomioa 18:18, 19 |
|
Askoren gaixotasunak sendatu zituen |
Isaias 53:4 |
|
Ez zuen arreta bereganatu |
Isaias 42:2 |
|
Errukia erakutsi zien sufritzen ari zirenei |
Isaias 42:3 |
|
Jainkoaren justizia iragarri zuen |
Isaias 42:1, 4 |
|
Kontseilari miragarri |
Isaias 9:5, 6 [9:6, 7, NWT] |
|
Jehobaren izena ezagutarazi zuen |
22. Salmoa 22, NWT |
Joan 17:6, NWT |
Konparaketak eta parabolak erabili zituen irakastean |
78. Salmoa 2 |
|
Buruzagi |
Daniel 9:25 |
|
Askok ez zuten berarengan sinetsi |
Isaias 53:1 |
|
Bera dela eta estropezu egin zuten |
Isaias 8:14, 15 |
|
Besteek baztertu zuten |
118. Salmoa 22, 23 |
|
Arrazoirik gabe gorrotatu zuten |
69. Salmoa 5 [69:4, NWT] |
|
Jerusalemen asto baten gainean sartu zen eta harrera handia jaso zuen |
Zakarias 9:9 |
|
Haurrek goretsi zuten |
8. Salmoa 2, NWT |
|
Jehobaren izenean etorri zen |
118. Salmoa 26 |
|
Hurbileko lagun batek saldu zuen |
41. Salmoa 10 [41:9, NWT] |
|
Zilarrezko 30 txanponen truke saldu zuten e |
Zakarias 11:12, 13 |
|
Lagunek alde batera utzi zuten |
Zakarias 13:7 |
|
Gezurrezko lekukoek bere aurkako testigantza eman zuten |
35. Salmoa 11 |
|
Bere salatarien aurrean isilik geratu zen |
Isaias 53:7 |
|
Txistua bota zioten |
Isaias 50:6 |
|
Buruan jo zuten |
Mikeas 4:14 [5:1, NWT] |
|
Jipoitu zuten |
Isaias 50:6 |
|
Ez zuen bere burua defendatu jipoitu zutenean |
Isaias 50:6 |
|
Agintariek bere aurka konspiratu zuten |
2. Salmoa 2 |
|
Esku-oinak habe batera iltzatu zizkioten |
22. Salmoa 17 [22:16, NWT] |
|
Bere jantziak zozketatu zituzten |
22. Salmoak 19 [22:18, NWT] |
|
Bekataritzat jo zuten |
Isaias 53:12 |
|
Mespretxatu eta iraindu zuten |
22. Salmoa 8, 9 [22:7, 8, NWT] |
|
Bekatarien alde sufritzeko prest egon zen |
Isaias 53:5, 6 |
1 Pedro 2:23-25 |
Jainkoak alde batera utzi zuela zirudien |
22. Salmoa 2 [22:1, NWT] |
|
Ozpina eta behazuna eskaini zioten |
69. Salmoa 22 [69:21, NWT] |
|
Egarri zen justu hil aurretik |
22. Salmoa 16 [22:15, NWT] |
|
Jainkoaren eskuetan jarri zuen bizia |
31. Salmoa 6 [31:5, NWT] |
|
Bere bizia eskaini zuen |
Isaias 53:12 |
|
Bere bizia eskaini zuen bekatua ezabatzeko |
Isaias 53:12 |
|
Ez zioten hezurrik hautsi |
34. Salmoa 21 [34:20, NWT] |
|
Zulatua izan zen |
Zakarias 12:10 |
|
Aberatsekin batera hilobiratu zuten |
Isaias 53:9, oharra |
|
Berpiztua izan zen |
16. Salmoa 10 |
|
Traizionatu zuena ordezkatu zuten |
109. Salmoa 8 |
|
Jainkoaren eskuinean eseri zen |
110. Salmoa 1 |
a McClintock eta Strong-en Cyclopedia-k dio: «Ziurtasun handiz esan dezakegu juduen leinu eta familien erregistroak Jerusalemen suntsipenarekin galdu zirela, eta ez aurretik».
b Emmanuel izen hebrearrak «Jainkoa gurekin» esan nahi du. Honek oso ondo deskribatzen du Mesiasen eginkizuna. Lurrean egin zuenak Jainkoa bere adoratzaileekin dagoela frogatu zuen (Lukas 2:27-32; 7:12-16).
c «Nazaretar» terminoa dirudienez hebreerazko neʹtser hitzetik dator. Hitz honek «kimu» esan nahi du.
d Mesias K.o. 29. urtean agertuko zela aurresan zuen Bibliak. Gehiago jakiteko, irakurri Mesias noiz agertuko zen iragarri zuen Danielen profeziak artikulua.
e Profezia hau Zakariasen liburuan agertzen da. Baina Mateo biblia-idazleak «Jeremias profetak» esan zuela adierazi zuen (Mateo 27:9). Dirudienez, Jeremiasen liburua «profeten liburu[ak]» deituriko liburu-multzoaren hasieran agertzen zen batzuetan (Lukas 24:44). Badirudi Mateok «Jeremias» aipatu zuela liburu-multzo osoari buruz hitz egiteko. Profeten liburu-multzo honen barnean Zakariasen liburua ere dago.
Zure gustukoa izan daiteke
ESNATU!
Emakume judutar batek bere fedea zergatik aztertu zuen azaltzen du
Zer frogek konbentzitu zuten Racquel Hall Jesus hainbeste denboraz espero izan zuen Mesias zela?
BIBLIAKO IRAKASPENAK
Probatu ezazu gure biblia-ikastaroa
Jaso doako biblia-ikastaro interaktibo partikularra.