Enen̄ede an̄wan̄a Jesus se ọwọrọde owo ndibọ ufen ke ntak ubiatibet ye ukwan̄ikpe. Ẹma ẹdori enye ikọ, ẹmia enye ke unana ntak, ẹkpe ẹnyụn̄ ẹbiere ukwan̄ikpe ẹnọ enye ke se enye mîkeduehe, ekem enye ama akpa ubiak ubiak n̄kpa. Kpa ye oro enye mîkeduehe, enye ama enyịme ndinọ “ukpọn̄ esie nte ufak ke ibuot ediwak owo.” (Matthew 20:28; John 15:13) Jesus ọmọn̄ afiak owụt nte imọ imade mme owo ke ndida odudu emi Abasi ọnọde enye nte Edidem Obio Ubọn̄ Abasi nnam unenikpe odu nnyụn nnam ubiatibet etre ke ofụri ererimbot.​—Isaiah 42:3.

 Bible etịn̄ nte ererimbot editiede Jesus ama ọtọn̄ọ utom ke isọn̄:

•   “Idiọkowo ididụhe aba afo oyonyụn̄ etịn̄ enyịn ke ebiet esie, ndien enye ididụhe. Edi mbon nsụkidem ẹyeda isọn̄ ẹnyene, ediwak emem oyonyụn̄ adat mmọ esịt.”​—Psalm 37:10, 11.

 Nso ke ikpanam ndiwụt ke imama kpukpru se Jesus anamde ọnọ nnyịn ye se enye edinamde ke ini iso? Jesus ọkọdọhọ mme mbet esie ke Luke 22:19 ete ẹsiti n̄kpa imọ. Ntak edi oro Mme Ntiense Jehovah ẹsisopde idem ẹti n̄kpa Jesus kpukpru isua ke usen emi enye akakpade. Imokot fi ite editiene nnyịn eti n̄kpa Ọbọn̄ nnyịn Jesus ke Sunday, March 24, 2024.

Fịk Mi Man Okụt Ebiet Emi Idinịmde Editi N̄kpa Jesus