Ke urua ifan̄ emi edide ke iso, ẹyetọn̄ọ umekowo ke ediwak idụt ke ererimbot. Mme owo ke emek owo emi mmọ ẹdisịnde n̄wed inọ.

 Nso ke Bible etịn̄ aban̄a emi?

 Bible etịn̄ se mme andikara mîkemeke ndinam.

•   “Mbufo ẹkûbuọt idem ye mbọn̄,ẹkûnyụn̄ ẹbuọt ye eyen owo, emi edinyan̄a mîdụhe enye ke ubọk. Ibifịk esie ọwọrọ, enye afiak ke ntan;Kpa ke usen oro mme ekikere esie ẹtak.”​—Psalm 146:3, 4.

 Ọkpọkọm andikara ọfọn se ọfọfọn, edisụk ikpakpa. N̄kpọ en̄wen edi ke mmọ idiọn̄ọke m̀mê andikara en̄wen eyedîka iso ke nti utom emi mmọ ẹkenamde.​—Ecclesiastes 2:18, 19.

 Se idude edi ke Bible ama etetịn̄ ke owo idikemeke ndikara mme owo.

•   “Isịneke ke ubọk owo eke asan̄ade ndinen̄ede ikpatisan̄ esiemmọ.”​—Jeremiah 10:23.

 Ndi odu andikara emi ekemede ndikara owo ọfọn idahaemi?

 Bible ọdọhọ ke Abasi emek Jesus nte andikara emi ọfọnde, odotde onyụn̄ anamde akpanikọ. (Psalm 2:6) Jesus edi Edidem Obio Ubọn̄ Abasi, ndien ifụm ukara esie odu ke heaven.​—Matthew 6:10.

 Ndi emenyịme Jesus akara? Bible etịn̄ ntak ọfọnde inyịme:

•   “Ẹtịm eyen inua [Jesus Christ], mbak enye ediyat esịt ndien mbufo ẹtak ke usụn̄, koro iyatesịt esie awarade ndibụmede. Kpukpru mbon emi ẹdade enye ke ebiet ubọhọ ẹkop inemesịt.”​—Psalm 2:12.

 Ini edi emi ndimek andikara emi oyomde. Mme prọfesi Bible ẹwụt ke Jesus ama ọtọn̄ọ ndikara ke 1914 ndien ke mîbịghike, ukara esie oyosobo kpukpru ukara owo efep.​—Daniel 2:44.

 Edieke oyomde ndidiọn̄ọ se akpanamde man owụt ke emenyịme Jesus akara, kot ibuotikọ emi “Nam N̄kpọ Idahaemi Ndiwụt ke Omoyom Obio Ubọn̄ Abasi!”