Ndi Emeben̄e Idem Ọnọ Ata Akpan Usen ke Isua?

KE AYAKDE hour ifan̄ Jesus ndikpa, enye ama owụt akpan usụn̄ emi ẹkpetide n̄kpa imọ. Ẹkedidiọn̄ọ emi nte “udia mbubreyo Ọbọn̄.” (1 Corinth 11:20) Jesus ama owụk mme mbet esie ete “ẹnam emi nditi” imọ man owụt ke emi edi akpan n̄kpọ. (Luke 22:19) Ndi ọdọn̄ fi ndinam se Jesus ọkọdọhọde emi? Edieke edide ntre, ọwọrọ edida usen Editi n̄kpa Jesus emi nte ata akpan usen ke isua.

Edi nso usen ke ẹkpeti n̄kpa Jesus? Ndien nso ke akpanam ndiwụt ke emenen̄ede eben̄e idem ndifiọk se akpan edinam emi edide? Utọ mbụme ntem ke Christian kiet kiet okpobụp idemesie.

Ikafan̄?

Nnyịn isiwak nditi akpan edinam ke isua ke isua. Ke uwụtn̄kpọ, ndusụk mme ọdọ ndọ ẹsiwak nditi usen ndọ mmọ, ndien ẹsinam emi ini kiet ke isua. Mmọ ẹsinen̄ede ẹda usen oro nte ata akpan usen.

Kpasụk ntre ke ẹkesinam ke eyo Bible. Ẹkesiti akpan edinam ini kiet ke isua. (Esther 9:21, 27) Jehovah ama ọdọhọ nditọ Israel ẹsinam usọrọ kpukpru isua ẹda ẹti usen emi imọ ikanyan̄ade mmọ isio ke ufụn Egypt. Bible okot usọrọ oro Passover, ndien nditọ Israel ẹkesinam enye ini kiet ke isua ke usenọfiọn̄ emi ẹkenyan̄ade mmọ.—Exodus 12:24-27; 13:10.

Ke Jesus ama akanam Passover ye mme mbet esie ama, enye ama anam san̄asan̄a udia ndida n̄wụt nte ẹkpetide n̄kpa imọ. (Luke 22:7-20) Ẹkesinam Passover kpukpru isua. Ntre, ẹkpenyụn̄ ẹnam Editi n̄kpa Christ emi adade itie Passover ini kiet ke isua. Edi nso usen ke ẹkpenịm Editi n̄kpa Christ emi?

Nso Usen?

Ana ifiọk n̄kpọ iba mbemiso ikemede ndibọrọ mbụme emi. Ke eyo Bible, obufa usen ekesitọn̄ọ mbubreyo ke utịn ama okosop emen esịm edem usen ke utịn ama okosop n̄ko. Ntre, usen ekesitọn̄ọ mbubreyo etre ke mbubreyo.—Leviticus 23:32.

N̄kpọ en̄wen edi nte ke nnyịn ibatke  ọfiọn̄ nte ẹkesibatde ke eyo Bible. Se nnyịn ikotde March ye April ke ẹkesikot Adar ye Nisan. (Esther 3:7) Tọn̄ọ ke obufa ọfiọn̄enyọn̄ kiet sịm obufa ọfiọn̄enyọn̄ en̄wen akanam ọfiọn̄ mme Jew kiet kiet. Mmọ ẹkesinam usọrọ Passover ke ọyọhọ usen 14 ke akpa ọfiọn̄ mmọ, emi ẹkotde Nisan. (Leviticus 23:5; Numbers 28:16) Nisan 14 oro ke mbon Rome ẹkewot Ọbọn̄ nnyịn Jesus Christ. Jesus akakpa ke isua 1,545 ẹma ẹkebe tọn̄ọ ẹkenam akpa Passover. Nisan 14 edi ata akpan usen.

Nisan 14 ọduọ nso usen ke usenọfiọn̄ nnyịn? Ekpri ibat ọmọn̄ an̄wam nnyịn inyene usenọfiọn̄ emi. Nisan 1 esitọn̄ọ ke ini emi obufa ọfiọn̄ ọwọrọde ke Jerusalem ke utịt utịt March m̀mê ke ntọn̄ọ ntọn̄ọ April. Edieke itọn̄ọde ke usen oro ibat, ọyọhọ usen 14 edidi Nisan 14. Usen oro ke ọfiọn̄ esiyọhọ idịbi. Edieke itienede ibat Bible, Nisan 14 isua emi ọtọn̄ọ ke utịn ama okosop ke Sunday, April 17, 2011. *

Mme Ntiense Jehovah ke ẹben̄e idem ndidiana ye kpukpru mbon oro ẹdimade nditi n̄kpa Jesus isua emi nnam ntre. Mmọ ẹkot fi ẹtiene edibuana ye mmimọ. Mbọk dọhọ Mme Ntiense Jehovah emi ẹdude ke n̄kann̄kụk mbufo ẹtịn̄ ini ye ebiet emi mmọ ẹdisopde idem ẹnọ fi. Edinam emi edida itie ke utịn ama okosop, idịghe usenubọk m̀mê uwemeyo. Ntak-a? Sia Bible okot enye “udia mbubreyo.” (1 Corinth 11:25) Edinam emi Jesus ọkọtọn̄ọde mi isua 1,978 emi ẹkebede ọduọ isua emi ke mbubreyo Sunday, April 17, 2011. Mbubreyo oro ke Nisan 14 ọtọn̄ọ, kpa usen emi Jesus akakpade. Ata nnennen usen edi emi nditi n̄kpa Jesus.

Nte Ekpeben̄ede Idem

Didie ke ekpeben̄e idem ọnọ edinam ini kiet ke isua emi? Usụn̄ kiet edi nditie n̄kere se Jesus anamde ọnọ nnyịn. N̄wed Nso ke Bible Enen̄ede Ekpep? * an̄wam ata ediwak owo ẹnen̄ede ẹfiọk se n̄kpa Jesus ọwọrọde.—Matthew 20:28.

Usụn̄ en̄wen emi ikemede ndiben̄e idem nnọ akpan edinam emi edi ndikot se iketịbede ke akpatre urua oro Jesus okodude mi ke isọn̄. Oyokụt chart ke page 23 ye 24. Ẹdọn̄ mme itie N̄wed Abasi oro ẹbụkde se iketịbede ke ayakde usen ifan̄ Jesus ndikpa ke akpatre ikpehe chart emi. Ẹsịn n̄ko mme ibuot n̄wed Akakan Owo Oro Akanam Odude Uwem * oro ẹnemede se iketịbede ke mme usen emi.

Akpa ikpehe ke chart emi owụt usenọfiọn̄ mme Jew ye eke eyomfịn ye se iketịbede ke mme usen emi kiet kiet. Nnyịn imesịn udọn̄ inọ fi ite osio ini enịm okot mme itie Bible emi ke mme usen emi tutu esịm usen Udia Mbubreyo Ọbọn̄. Ntem ke ediben̄e idem inọ ata akpan usen emi ke isua.

[Mme Ikọ Idakisọn̄]

[Se ẹwetde ke ikpọ abisi ke page 22]

Ti n̄kpa Jesus Sunday, April 17, 2011

 [Chart/Mme Ndise ke page 23, 24]

(Ama oyom ndikụt nte enye enen̄erede etie, se n̄wed)

AKPATRE URUA JESUS KE ISỌN̄

2011 Tues. April 12 ▪ Sabbath Matthew

2012 ․․․․․ Mark

2013 ․․․․․ Luke

□ John 11:55–12:1

□ gt 101, ikp. eki. 2-4 *

NISAN 9 (ọtọn̄ọ ke utịn ama okosop)

Ke eyo Bible, obufa ▪ Jesus adia udia ke □ Matthew 26:6-13

usen ekesitọn̄ọ mbubreyo edem Simon owo akpamfia

ke utịn ama okosop emen ▪ Mary eyet enye □ Mark 14:3-9

esịm edem usen ke utịn ọsọn̄urua aran

ama okosop n̄ko ▪ Mme Jew ẹdi Luke

ndise Jesus ye □ John 12:2-11

Lazarus □ gt 101, ikp. eki. 5-9

2011 Wed. April 13 ▪ Awat ubọn̄ ubọn̄ □ Matthew 21:1-11, 14-17

2012 ․․․․․ odụk Jerusalem

2013 ․․․․․ ▪ Ekpep mme owo □ Mark 11:1-11

n̄kpọ ke temple

□ Luke 19:29-44

□ John 12:12-19

□ gt 102

NISAN 10 (ọtọn̄ọ ke utịn ama okosop)

▪ Adan̄ ke

Bethany

2011 Thurs. April 14 ▪ Abak adaha □ Matthew 21:12, 13,

2012 ․․․․․ Jerusalem 18, 19

2013 ․․․․․ ▪ Anam temple asana □ Mark 11:12-19

▪ Jehovah etie ke □ Luke 19:45-48

heaven etịn̄ ikọ □ John 12:20-50

ye enye □ gt 103, ye 104

NISAN 11 (ọtọn̄ọ ke utịn ama okosop)

2011 Fri. April 15 ▪ Ada nsio nsio □ Matthew 21:19–25:46

2012 ․․․․․ uwụtn̄kpọ ekpep mme

2013 ․․․․․ owo n̄kpọ ke temple

▪ Obiom mme □ Mark 11:20–13:37

Pharisee ikpe

▪ Okụt etịbe □ Luke 20:1–21:38

ebeakpa

▪ Ọdọhọ ke John

Jerusalem ọyọduọ

▪ Ọnọ idiọn̄ọ □ gt 105-112, ikp. eki. 1

edidu esie

NISAN 12 (ọtọn̄ọ ke utịn ama okosop)

2011 Sat. April 16 ▪ Etie sụk enye □ Matthew 26:1-5, 14-16

2012 ․․․․․ ye mme mbet esie

2013 ․․․․․ ke Bethany

▪ Judas odụk odu □ Mark 14:1, 2, 10, 11

ndida enye nnọ

□ Luke 22:1-6

John

□ gt 112, ikp. eki. 2-4

 NISAN 13 (ọtọn̄ọ ke utịn ama okosop)

2011 Sun. April 17 ▪ Peter ye John □ Matthew 26:17-19

2012 ․․․․․ ẹtịm itie ẹben̄e

2013 ․․․․․ Passover

▪ Jesus asan̄a □ Mark 14:12-16

ye apostle duop □ Luke 22:7-13

eken ẹka do John

□ gt 112, ikp. eki. 5 esịm 113,

ikp. eki. 1

NISAN 14 (ọtọn̄ọ ke utịn ama okosop)

▪ Anam Passover □ Matthew 26:20-35

▪ Eyet mme □ Mark 14:17-31

apostle ukot

▪ Anam Judas □ Luke 22:14-38

ọwọrọ

▪ Ọtọn̄ọ Editi □ John 13:1–17:26

n̄kpa esie □ gt 113, ikp. eki. 2 esịm

116

ufọt okoneyo ▪ Ẹda enye □ Matthew 26:36-75

2011 Mon. April 18 ẹnọ ke In̄wan̄

2012 ․․․․․ Gethsemane

2013 ․․․․․ ▪ Mme apostle ẹfen̄e □ Mark 14:32-72

▪ Sanhedrin ẹkpe □ Luke 22:39-62

ikpe esie

▪ Peter akan̄ □ John 18:1-27

Jesus □ gt 117-120

▪ Afiak ada ke □ Matthew 27:1-61

iso esop Sanhedrin

▪ Ẹda ẹbịne Pilate, □ Mark 15:1-47

Herod, ẹfiak ẹda

ẹbịne Pilate

▪ Ẹbiere n̄kpa ẹnọ enye □ Luke 22:63–23:56

ẹnyụn̄ ẹkọn̄ enye ke eto

▪ Akpa ke n̄kpọ □ John 18:28-40

nte n̄kanika ita

uwemeyo

▪ Ẹmen okpo □ gt 121-127, ikp. eki. 7

esie ẹkebụk

NISAN 15 (ọtọn̄ọ ke utịn ama okosop)

▪ Sabbath

2011 Tues. April 19 ▪ Pilate enyịme □ Matthew 27:62-66

2012 ․․․․․ ẹkekpeme udi Mark

2013 ․․․․․ Jesus Luke

John

□ gt 127, ikp. eki. 8-9

NISAN 16 (ọtọn̄ọ ke utịn ama okosop)

2011 Wed. April 20 ▪ Jesus eset □ Matthew 28:1-15

2012 ․․․․․ ▪ Owụt mme □ Mark 16:1-8

2013 ․․․․․ mbet idem □ Luke 24:1-49

□ John 20:1-25

□ gt 127, ikp. eki. 10

esịm 129, ikp. eki. 10

[Ikọ Idakisọn̄]