Ndi Ọmọfiọk Ete Fo eke Heaven?

NDI emenen̄ede ọfiọk ete fo? Utọ mbụme emi ekeme ndikpa fi idem akpan akpan edieke mbufo ẹnen̄erede ẹma kiet eken ke ubon mbufo. Emekeme ndibọrọ ete, ‘Abasi mbọk, mmọfiọk enye nan̄a!’ Edi akpanikọ ke ediwak owo ẹfiọk se ete mmọ amade ye se enye asuade, ẹfiọk nte enye esinamde n̄kpọ ke nsio nsio idaha, ye nte enye esisede aban̄a ubon.

Edi ndusụk ini, idem ekeme ndikpa fi ndikụt ete fo anamde se mûkodorike enyịn. Ke uwụtn̄kpọ, eyen ekeme ndida ete esie nte ata sụn̄sụn̄ owo ke ini n̄kpọ mîtịbeke. Edi usen n̄kpọ ama etịbe, enye okụt ete esie emi enye akadade nte ata sụn̄sụn̄ owo anamde n̄kpọ nte owoekọn̄ man osio ubon esie ke afanikọn̄.

Nso kaban̄a Andibot? Bible ọdọhọ ke enye anam “nnyịn inyene uwem inyụn̄ isan̄a inyụn̄ idu uwem.” (Utom 17:28) Enye edi Ete kpukpru mme odu-uwem koro enye ọnọ nnyịn uwem. (Isaiah 64:8) Ekeme ndidi afo ada Abasi ntre, ndien oro ọfọn. Nte ededi, odu ekese n̄kpọ oro anade ikpep iban̄a Abasi, ndien edieke inamde emi, nnyịn iyọbọ ufọn inyụn̄ ikop idatesịt.

Ama enen̄ede ọfiọk ete fo, afo eyenen̄ede okpono enye onyụn̄ ada enye nte ete. Kpasụk ntre, ama enen̄ede ọfiọk Abasi, eyenen̄ede asan̄a ekpere enye. Abasi ekeme ndin̄wam fi ọyọ afanikọn̄ edieke enen̄erede ọfiọk enye onyụn̄ ekpepde ndinam uduak esie.

Nso orụk owo ke Abasi edi? Didie ke mme edu esie ẹkeme nditụk nte adade enye? Ndi ndifiọk enye ọwọrọ ke enyene se anade anam? Ẹyebọrọ mme mbụme emi ke ibuotikọ oro etienede.

[Se ẹwetde ke ikpọ abisi ke page 3]

Ama enen̄erede ọfiọk owo, oro oyotụk nte adade enye