Ini emi kpukpru nnyịn inyenede ndida n̄kpep n̄kpọ ke idem nnyịn ikponke. Nso ke ikpanam man inen̄ede idia ufọn ekpri ini oro? Akpa, ama okot n̄kpọ, kûkot itọk itọk. Akpada ini okot n̄kpọ emi mîwakke, ayadia ufọn akan ndikot ediwak n̄kpọ itọk itọk.

Ekem mek se edibemde iso ekpep. (Eph. 5:15, 16) Se se ikemede ndin̄wam fi mi:

• Kot Bible kpukpru usen. (Ps. 1:2) Emekeme nditọn̄ọ ke itie Bible emi ẹsinọde nnyịn ikot kpukpru urua ke mbono esop ufọturua.

• Tịm idem nọ Ukpepn̄kpọ Enyọn̄-Ukpeme ye mbono esop ufọturua. Nen̄ede tịm idem man etiene ọbọrọ mbụme.​—Ps. 22:22.

• Mbọk domo ndikot nnyụn̄ nse mbufa n̄kpọ Ikọ Abasi oro ẹsiode, utọ nte Ẹdemede! ye Enyọn̄-Ukpeme ofụri owo, mme vidio, ye mme n̄kpọ eken emi ẹdọn̄de ke jw.org.

• Kpep n̄kpọ emi enen̄erede enem fi. Emekeme ndinam ndụn̄ọde mban̄a mfịna emi enyenede, mbụme emi enyenede, mîdịghe n̄kpọ emi Bible ekpepde emi akpamade ndinen̄ede ndiọn̄ọ. Okpoyom ndidiọn̄ọ nte akpanamde se isụk itịn̄de emi, se ikpehe emi “Mme N̄kpọ Ndida N̄kpep Bible” ke jw.org.