Isaiah 66;1-24
66 Ntem ke Jehovah ọdọhọ ete: “Mme heaven ẹdi ebekpo mi,+ isọn̄ onyụn̄ edi udoriukot mi.+ Enye, ndien, ufọk emi mbufo ẹkemede ndibọp nnọ mi,+ enye, ndien, ebiet emi mbufo ẹnịmde ẹnọ mi nte ebiet nduọkodudu?”+
2 “Ubọk mi akanam kpukpru n̄kpọ emi, ndien kpukpru n̄kpọ emi ẹdidu,”+ uyo Jehovah edi emi. “Mmọdo ndien, nyese enye emi, nyese owo ukụt ye owo emi esịt esie obụn̄ọde+ onyụn̄ enyekde aban̄a ikọ mi.+
3 “Enye emi owotde ayara enan̄ ebiet enye emi owotde owo.+ Enye emi awade erọn̄ ebiet enye emi obụn̄de ebua itọn̄.+ Enye emi ọnọde enọ ebiet enye emi awade iyịp edi!+ Enye emi awade frankincense+ nte n̄kpọ editi ebiet enye emi adade ikọ idiọk odudu ọnọ edidiọn̄.+ Mmọ ẹdi n̄ko mbon oro ẹmekde usụn̄ idemmọ, ukpọn̄ mmọ onyụn̄ adat esịt aban̄a mme mbubiam n̄kpọ mmọ.+
4 Ami n̄ko nyemek usụn̄ oro ndinamde n̄kpọ ye mmọ idiọk idiọk;+ nyonyụn̄ nda mme n̄kpọ emi ẹdinamde mmọ ndịk ntiene mmọ;+ koro n̄kokotde, edi baba owo kiet iyereke; mma ndọhọ, edi baba owo kiet ikpan̄ke utọn̄;+ mmọ ẹma ẹnyụn̄ ẹnam se idiọkde mi ke enyịn, ẹnyụn̄ ẹmek se mîdatke mi esịt.”+
5 Ẹkop uyo Jehovah, mbufo emi ẹnyekde idem ẹban̄a ikọ esie:+ “Nditọete mbufo oro ẹsuade mbufo,+ oro ẹbịnde mbufo ẹfep ke ntak enyịn̄ mi,+ ẹdọhọ ẹte, ‘Yak ẹnọ Jehovah ubọn̄!’+ Enye ọyọbiọn̄ọde n̄ko ndien mbufo ẹyedat esịt,+ mmọ ẹnyụn̄ ẹdi mbon oro ẹdidiade bụt.”+
6 Uyom ndutịme ọwọrọ ke obio, uyom ọwọrọ ke temple!+ Edi uyom emi Jehovah osiode mme asua esie usiene eke odotde.+
7 Enye aman eyen ke uman mîkam itụkke enye.+ Enye aman eyeneren ke mîkam ikopke ubiak uman.+
8 Anie okop orụk n̄kpọ emi?+ Anie okụt mme n̄kpọ eke ẹtiede ntem?+ Nte ẹdinam idụt+ amana usen kiet ke ubiak uman?+ Mîdịghe nte idụt+ edimana ini kiet?+ Koro uman omotụk Zion, enye omonyụn̄ aman nditọiren esie.
9 “Amaedi ami, nte n̄kpanam owo oyomo nnyụn̄ nnamke enye aman?”+ Jehovah ọdọhọ. “Mîdịghe nte mmanam owo oyom ndiman eyen ndien mfiak nsịri?” Abasi fo ọdọhọ.
10 Ẹdat esịt ye Jerusalem ẹnyụn̄ ẹdara ye enye,+ kpukpru mbufo emi ẹmade enye.+ Ẹdara ye enye etieti, kpukpru mbufo emi ẹfụhọde ẹban̄a enye;+
11 koro mbufo ẹyewap eba ọyọhọ ndọn̄esịt eke enye ọnọde ẹyụhọ; koro mbufo ẹyen̄wọn̄ ẹnyụn̄ ẹkop ata idatesịt emi otode inuaeba ubọn̄ esie.+
12 Koro ntem ke Jehovah ọdọhọ ete: “Sese ami mmọn̄ nnọ enye emem nte akpa mmọn̄+ nnyụn̄ nnọ enye ubọn̄ mme idụt nte idịm,+ ndien mbufo ẹyewap eba.+ Ẹyemen mbufo ẹfak ke n̄kan̄, ẹnyụn̄ ẹmen mbufo ẹdori ke edọn̄ ẹbre mbre.+
13 Kpa nte owo emi eka esie ọdọn̄de enye esịt, kpa ntre ke ami ndọn̄ mbufo esịt;+ ndien ẹyedọn̄ mbufo esịt ẹban̄a Jerusalem.+
14 Ndien mbufo ẹyekụt, esịt mbufo idinyụn̄ itreke ndidat,+ mme ọkpọ+ mbufo ẹyenyụn̄ ẹfiari nte nsehe mbiet.+ Ndien ẹyenam mme asan̄autom+ Jehovah ẹdiọn̄ọ ubọk esie, edi enye oyosụn̄i mme asua esie.”+
15 “Koro sese Jehovah ke edi nte ikan̄,+ mme chariot esie ẹnyụn̄ ẹbiet ọkpọsọn̄ ofụm,+ man ada akwa ifụtesịt owụt iyatesịt esie onyụn̄ ada edemeikan̄+ ọnọ nsuannọ esie.
16 Koro kpa nte ikan̄, Jehovah iditreke nditọn̄ọ utọk, ih, ayada akan̄kan̄+ esie an̄wana ye kpukpru obụkidem; ndien mmọ oro Jehovah ediwotde ẹyewak.+
17 Mbon oro ẹdian̄arede idemmọ ẹnịm ẹnyụn̄ ẹnamde idemmọ asana man ẹdụk in̄wan̄+ ẹnyụn̄ ẹda kiet ke edem ke ufọt, ẹta unam edi+ ẹnyụn̄ ẹta n̄kpọ itekesịt, ye eku,+ kpukpru mmọ ẹyesịm utịt mmọ,” uyo Jehovah edi emi.
18 “Ndien amaedi mme utom mmọ+ ye mme ekikere mmọ,+ ami ke ndi man nditan̄ kpukpru mme idụt ye usem mbon ọtọkiet;+ ndien mmọ ẹyedi ẹdikụt ubọn̄ mi.”+
19 “Ndien nyenịm idiọn̄ọ+ ke otu mmọ, nyonyụn̄ ndọn̄ ndusụk mbon oro ẹbọhọde nte ẹka mme idụt,+ ẹka Tarshish,+ Pul, ye Lud,+ mmọ oro ẹtopde utịgha, Tubal ye Javan,+ mme isuo+ oro ẹdude nsannsan, emi mîkopke etop mi m̀mê oro mîkwe ubọn̄ mi;+ mmọ idinyụn̄ itreke nditịn̄ mban̄a ubọn̄ mi ke otu mme idụt.+
20 Ndien mmọ ẹyeda kpukpru nditọete mbufo ke kpukpru mme idụt+ ẹsọk Jehovah nte enọ,+ ẹdoro ke mme enan̄-mbakara ye ke mme chariot ye ke mme ukpatn̄kpọ oro ẹnyenede ọkọm ye ke mme mule ye ke mme ọsọp-usọp uman camel,+ ẹdi edisana obot mi,+ kpa Jerusalem,” Jehovah ọdọhọ, “kpa nte ke ini emi nditọ Israel ẹsịnde enọ ke edisana n̄kpọ ẹda ẹdi ufọk Jehovah.”+
21 “Ndien nyosio ndusụk ke otu mmọ nnọ mme oku ye nditọ Levi,” Jehovah ọdọhọ.
22 “Koro kpa nte mbufa enyọn̄+ ye obufa isọn̄+ oro nnamde ẹdade mi ke iso,”+ uyo Jehovah edi emi, “kpa ntre ke nditọ mbufo+ ye enyịn̄ mbufo ẹdida.”+
23 “Ndien ama ekem, kpukpru obụkidem ẹyedụk ẹdi ẹdinụhọ ke iso mi, ọtọn̄ọde ke obufa ọfiọn̄ tutu esịm obufa ọfiọn̄ onyụn̄ ọtọn̄ọde ke sabbath tutu esịm sabbath,”+ Jehovah ọdọhọ.
24 “Ndien mmọ ẹyewọrọ ẹka ẹnyụn̄ ẹkese okpo mme owo oro ẹkebiatde ibet mi;+ koro ndọn̄ mmọ mîdikpan̄ake, ikan̄ mmọ idinyụn̄ inịmeke,+ ndien mmọ ẹyedoro kpukpru obụkidem ndidien.”+
