Isaiah 42;1-25
42 Sese! Asan̄autom+ mi emi nsọn̄ọde mmụm n̄kama!+ Enye emi mmekde,+ emi ukpọn̄ mi enyịmede!+ Mmesịn enye spirit mi ke idem.+ Enye ayada unenikpe ọsọk mme idụt.+
2 Enye idifiorike n̄kpo idinyụn̄ imenekede uyo esie, enye idinyụn̄ iyakke ẹkop uyo esie ke efak.+
3 Enye idibụn̄ke nnyanyan̄a eke anuahade;+ enye idinyụn̄ inịmeke ọfọn̄ utuenikan̄ eke ekperede ndinịme. Enye ayasan̄a ke akpanikọ ada unenikpe edi.+
4 Enye idinịmeke idinyụn̄ inuahake tutu enye enịm unenikpe ke isọn̄;+ ndien ibet esie ke mme isuo ẹditie ẹbet.+
5 Ntem ke ata Abasi, Jehovah, ọdọhọ, kpa Andibot enyọn̄+ ye Akwa andinyanade enye nnịm;+ Enye emi ebride isọn̄+ ye kpukpru se iyọhọde ke esịt,+ Enye emi adade ibifịk+ ọnọ mme andidụn̄ ke esịt,+ onyụn̄ ọnọde mbon oro ẹsan̄ade ke esịt spirit:+
6 “Ami Jehovah mmada edinen ido n̄kot fi,+ nnyụn̄ mmụm fi ubọk.+ Nyonyụn̄ n̄kpeme fi nnyụn̄ nyak fi nnọ nte ediomi mme owo,+ nte un̄wana mme idụt,+
7 man afo atat enyịn eke mîkwe usụn̄,+ osio owo-n̄kpọkọbi ke n̄kịmn̄kịm ufọk-n̄kpọkọbi idakisọn̄,+ onyụn̄ osio mbon oro ẹtiede ke ekịm+ efep ke ufọk n̄kọbi-ntem.
8 “Ami ndi Jehovah. Enyịn̄ mi edi oro;+ ndinọhọ baba owo kiet ubọn̄ mi,+ ndinyụn̄ nnọhọ ndisọi mbiet+ itoro+ mi.
9 “Mme akpa n̄kpọ—sese mmọ ẹmedi,+ edi ami ke ntịn̄ mbufa n̄kpọ. Mbemiso mmọ ẹtịbede, ami mmanam mbufo ẹkop.”+
10 Ẹkwọ obufa ikwọ ẹnọ Jehovah,+ ẹtie ke utịt isọn̄+ ẹkwọ itoro esie, mbufo emi ẹsụhọrede ẹka inyan̄+ ye kpukpru se iyọhọde ke esịt, mbufo mme isuo ye mbufo oro ẹdụn̄de ke mmọ.+
11 Yak wilderness+ ye mme obio esie ẹmenede uyo mmọ, mme obio-in̄wan̄ oro Kedar odụn̄de.+ Yak mme andidụn̄ akwa itiat+ ẹsio n̄kpo idara. Yak mme owo ke enyọn̄ obot ẹsio n̄kpo.
12 Yak mmọ ẹnọ Jehovah ubọn̄,+ ẹnyụn̄ ẹtan̄a itoro esie ke mme isuo.+
13 Nte ọkpọsọn̄ owo, Jehovah ọyọwọrọ aka.+ Nte owoekọn̄, ifịk+ eyedemede enye ke idem. Enye oyofiori, ih, enye oyofiori n̄kpo ekọn̄;+ enye oyowụt mme asua esie ete ke imokop odudu ikan mmọ.+
14 “Mmodop uyo ke anyan ini.+ Nsioroke uyo.+ Mmomụm idem n̄kama.+ Ami mmọn̄ mmụm mmụm, n̄wek, nnyụn̄ n̄kot ibifịk ini kiet nte n̄wan emi oyomde ndiman eyen.+
15 Nyosobo+ ikpọ obot ye n̄kpri obot, nyonyụn̄ nnam kpukpru ikọn̄ mmọ ẹsat. Ndien nyanam mme akpa ẹkabade mme isuo, nnyụn̄ nnam mme n̄kpọdiọhọ mmọn̄ ẹsat.+
16 Ndien nyanam mme nnan ẹsan̄a ke usụn̄ oro mmọ mîfiọkke;+ nyonyụn̄ nnam mmọ ẹsan̄a ke ọkpọusụn̄ oro mmọ mîfiọkke.+ Nyanam n̄kịmn̄kịm ebiet ke iso mmọ akabade edi un̄wana,+ nnyụn̄ nnam n̄kpotụk n̄kpotụk ebiet akabade unaisọn̄.+ Mme n̄kpọ emi ke ndinam nnọ mmọ, ndinyụn̄ n̄kpọn̄ke mmọ.”+
17 Ẹyenam mmọ ẹfiak edem, bụt ayanam mmọ etieti, kpa mbon oro ẹbuọtde idem ke edisọi mbiet,+ mbon oro ẹdọhọde editara mbiet ẹte: “Mbufo ẹdi mme abasi nnyịn.”+
18 Mbufo mme inan ẹkop; mbufo mme nnan ẹtịn̄ enyịn man ẹkụt.+
19 Anie edi nnan, ke mîbọhọke asan̄autom mi, anie onyụn̄ edi inan nte isụn̄utom mi oro ndọn̄de utom? Anie edi nnan nte enye emi ẹnọde utịp, m̀mê edi nnan nte asan̄autom Jehovah?+
20 Afo ama okụt ediwak n̄kpọ, edi ukakaha iso use.+ Utọn̄ ẹna fi in̄wan̄ edi afo ukukpan̄ke utọn̄.+
21 Jehovah amadat esịt ndinam ibet+ okpon onyụn̄ enyene uku, ke ntak edinen ido+ esie.
22 Edi mmọ ẹdi mbon oro ẹbụmede ẹnyụn̄ ẹwode,+ ẹmụm kpukpru mmọ ẹdọn̄ ke ndudu, ẹnyụn̄ ẹdịp mmọ ke mme ufọk n̄kọbi-ntem.+ Mmọ ẹmekabade ẹdi se ẹbụmede ndien owo eke anyan̄ade idụhe,+ ẹdi se ẹwode ndien idụhe owo eke ọdọhọde: “Fiak da di!”
23 Anie ke otu mbufo edikpan̄ utọn̄ ọnọ emi? Anie edinọ ntịn̄enyịn onyụn̄ okop ke ini iso?+
24 Anie akayak Jacob ọnọ ẹbụme, onyụn̄ ayak Israel ọnọ mbon n̄wo? Nte idịghe Jehovah, Enye emi nnyịn inamde idiọkn̄kpọ idian, emi mmọ mîkoyomke ndisan̄a ke mme usụn̄ esie mîkonyụn̄ inịmke ibet esie?+
25 Ntre Enye an̄wan̄a ifụtesịt esie, iyatesịt esie, ye odudu ekọn̄ esie ọduọk enye ke idem.+ Ndien emi ata enye akan okụk,+ edi enye ifiọkke;+ emi ata enye, edi esịt+ esie ikereke n̄kpọ ndomokiet.
