Isaiah 38;1-22
38 Ke ini oro, Hezekiah ọdọn̄ọ tutu ekpere ndikpa.+ Ndien prọfet Isaiah+ eyen Amoz edi ebịne enye edidọhọ enye ete: “Ntem ke Jehovah ọdọhọ ete, ‘Teme mbonufọk fo se mmọ ẹdinamde,+ koro afo ọmọn̄ akpa udunyụn̄ udụhe uwem.’”+
2 Ntem Hezekiah ọwọn̄ọde iso ese ibibene+ onyụn̄ ọbọn̄ akam ọnọ Jehovah+
3 onyụn̄ ọdọhọ ete: “O Jehovah, mmekpe fi ubọk, mbọk, ti+ nte nsan̄ade+ ke iso fo ke akpanikọ+ ye ke ofụri esịt,+ nte nnyụn̄ nnamde se ifọnde fi ke enyịn.” Ndien Hezekiah atua eyet etieti.+
4 Ndien uyo+ Jehovah esịm Isaiah ete:
5 “Ka kọdọhọ Hezekiah ete, ‘Ntem ke Jehovah Abasi David ete ete+ fo ọdọhọ ete: “Mmokop akam+ fo. Mmokụt mmọn̄eyet fo.+ Sese ami mmọn̄ ndian isua efịt ke isua uwem fo;+
6 nyonyụn̄ nnyan̄a fi ye obio emi nsio ke ubọk edidem Assyria, nnyụn̄ n̄kpeme obio emi.+
7 Ndien emi edi idiọn̄ọ oro Jehovah ọnọde fi, nte ke imọ Jehovah iyanam ikọ emi itịn̄de:+
8 Sese ami mmọn̄ nnam mbukpọn̄ udịghiukot emi akasan̄ade ye utịn+ osụhọde ke udịghiukot Ahaz afiak edem ikpat duop.”’”+ Ndien utịn afiak edem sụn̄sụn̄ ikpat duop ke udịghiukot emi enye okosụhọrede.+
9 Se Hezekiah edidem Judah ekewetde, ke ini enye ọkọdọn̄ọde,+ ndien ekem udọn̄ọ esie okụre.+
10 Ami n̄kọdọhọ nte: “Nyodụk mme inuaotop Udi*+ ke ufọt mme usen mi.Ẹyebọ mi mme isua mi oro ẹsụhọde.”+
11 N̄kọdọhọ nte: “Ndikwe Jah, kpa Jah, ke isọn̄ mme odu-uwem.+Ndisehe aba ubonowo—ye mme andidụn̄ isọn̄ mme akpan̄kpa.
12 Ẹmemen ebietidụn̄ mi ẹfep+ ẹkpọn̄ mi nte tent mme ekpemerọn̄.Mmofụt uwem mi kpa nte ọdọk-ọfọn̄;Ẹmọn̄ ẹdisịbe mi ẹfep+ ke urụk ndidi.Afo amayak mi ọnọ, ọtọn̄ọde ke uwemeyo tutu esịm okoneyo.+
13 Mmọdọn̄ idemmi esịt tutu esịm usenubọk.+Enye obom mme ọkpọ mi nte ekpe;+Afo amayak mi ọnọ, ọtọn̄ọde ke uwemeyo tutu esịm okoneyo.+
14 Ami mmadiari nte akadan̄abasi ye ekụran̄;+Nsioro uyo nte ibiom.+Mmese enyọn̄ tutu enyịn ekịm mi:+‘O Jehovah, ẹmefịk mi. Di dinyan̄a mi.’+
15 Nditịn̄ nso, nso ke enye edinyụn̄ ọdọhọ mi?+Enye n̄ko amanam n̄kpọ.+Nyasan̄a sụn̄sụn̄ ke ofụri isua uwem mi ke nnanenyịn ukpọn̄ mi.+
16 ‘O Jehovah, ntak oro esịn mmọ ẹdu uwem; nte edide ye kpukpru owo, ntre ke edi ye odudu uwem mi.+Ndien afo ayanam idem afiak ọsọn̄ mi onyụn̄ enịm mi uwem.+
17 Sese! Utu ke emem ami n̄kụt idot, ih, idot;+Ndien afo amama ukpọn̄ mi unyụn̄ uyakke enye odụk obube nditaha.+Koro afo omotop kpukpru mme idiọkn̄kpọ mi ọduọn̄ọ ke edem fo.+
18 Koro idịghe Udi* editoro fi;+ n̄kpa inyụn̄ ikemeke nditoro fi.+Mmọ eke ẹsụhọrede ẹdụk obube inyụn̄ ikemeke ndidori enyịn ke akpanikọ fo.+
19 Odu-uwem, kpa odu-uwem, ikpọn̄ ekeme nditoro fi,+Kpa nte ami n̄kemede ndinam mfịn emi.+Ete ekeme ndinọ nditọ esie ifiọk+ mban̄a akpanikọ fo.
20 O Jehovah, di dinyan̄a mi,+ ndien nnyịn iyebre mme ikwọ oro mmekde+Ke ufọk Jehovah kpukpru usen uwem nnyịn.’”+
21 Ndien Isaiah ọdọhọ ete: “Yak mmọ ẹda ebok nsat fig ẹdian ke mbufụt+ oro, man idem ọkpọsọn̄ enye.”+
22 Ndien Hezekiah obụp ete: “Nso idi idiọn̄ọ ndiwụt ke ami nyọdọk n̄ka ufọk Jehovah?”+
