2 Thessalonica 2;1-17
2 Nte ededi, nditọete, kaban̄a edidu+ Ọbọn̄ nnyịn Jesus Christ ye editan̄ nnyịn mbon ọtọkiet nnọ enye,+ nnyịn imeben̄e mbufo ite
2 ẹkûyak ekikere awara etịmede mbufo, idem okûnyụn̄ aduai mbufo ekpededi ke ikọ odudu spirit+ m̀mê ke ikọ inua+ m̀mê ke leta+ eke etiede nte oto nnyịn, ete usen+ Jehovah ededi.
3 Ẹkûyak owo ndomokiet abian̄a mbufo ke baba usụn̄ kiet, koro enye ididịghe ibọhọke mfiakedem+ ebem iso edi ndien ẹyarade+ owo emi edide abiatibet,+ kpa eyen nsobo.+
4 Enye ọbọbiọn̄ọ+ onyụn̄ emenede idem ke enyọn̄ okon̄ akan owo ekededi emi ẹkotde “abasi” m̀mê n̄kpọ eke ẹkponode, tutu enye osụhọde etie ke temple Abasi, owụt idem an̄wan̄wa ete idi abasi.+
5 Nte mbufo itịghi ite, ke adan̄aemi n̄kosụk ndude ye mbufo, mma nsisian+ mbufo mme n̄kpọ emi?
6 Ndien ke emi mbufo ẹmefiọk n̄kpọ+ emi etiede nte ukpan,+ man ẹkpeyarade enye ke edikem ini esie.+
7 Ke akpanikọ, ubiatibet emi edide ndịben̄kpọ mi ama ọtọtọn̄ọ utom;+ edi enye idiyarakede idem iwụt tutu enye emi etiede nte ukpan ke emi adaha ke usụn̄.+
8 Adan̄aoro, ndien, ẹyeyarade abiatibet, emi Ọbọn̄ Jesus ediwotde ke spirit inua esie+ edinyụn̄ adade uyarade+ edidu+ esie anam akabade edi ikpîkpu.
9 Edi edidu abiatibet emi asan̄a ye utom+ Satan ye kpukpru utom odudu ye mme nsunsu idiọn̄ọ ye mme utịben̄kpọ+
10 ọkọrọ ye kpukpru idiọk abian̄a+ oro ẹbian̄ade mmọ eke ẹtakde,+ kpa utịp emi ẹnọde mmọ sia mmọ mîkenyịmeke ndima+ akpanikọ man ẹkpenyan̄a mmọ.+
11 Ntak edi oro Abasi ayakde ndudue osụk anam utom ke idem mmọ, man mmọ ẹkpenịm nsu ke akpanikọ,+
12 man ẹkpekpe ikpe ẹnọ kpukpru mmọ sia mmọ mîkenyịmeke akpanikọ+ edi ẹkopde inemesịt ndinam ukwan̄ido.+
13 Nte ededi, obiomo nnyịn ndikọm Abasi kpukpru ini mban̄a mbufo, nditọete emi Jehovah amade, koro Abasi ekemekde mbufo+ toto ke editọn̄ọ enịm ọnọ edinyan̄a ke ndinam mbufo ẹsana*+ ke spirit+ onyụn̄ oto ke mbufo ndibuọt idem ke akpanikọ.+
14 Kaban̄a edinyan̄a emi, enye ama ada eti mbụk emi nnyịn ikwọrọde okot mbufo,+ man ẹkpenyene ubọn̄ Ọbọn̄ nnyịn Jesus Christ.+
15 Ntre, ndien, nditọete, ẹsọn̄ọ ẹda+ ẹnyụn̄ ẹka iso ẹmụm mme ido+ oro ẹkekpepde mbufo ẹkama, edide ẹkeda ikọ eke otode nnyịn inua m̀mê leta nnyịn ẹkpep mbufo.
16 Akan oro, Ọbọn̄ nnyịn Jesus Christ ye Abasi Ete nnyịn, emi akamade+ nnyịn okonyụn̄ ọnọde nsinsi ndọn̄esịt ye eti idotenyịn+ ebe ke mfọnido oro owo mîdotke, ẹkpekam
17 ẹdọn̄ mbufo esịt ẹnyụn̄ ẹnam mbufo ẹsọn̄ọ ẹda ke kpukpru nti edinam ye ikọ.+
Mme Ikọ Idakisọn̄
^ M̀mê, “ndidian̄ade mbufo nnịm nnọ Abasi.”
