Le zã si do ŋgɔ na Yesu ƒe ku me la, egblɔ na eyomedzela wɔnuteƒewo be woanɔ ŋku ɖom yeƒe vɔsakua dzi. Etsɔ abolo maʋamaʋã kple wain dzĩ la le wo ŋkume, eye wòɖo wɔna aɖe si wova yɔ be Fiẽnuɖuɖu Mamlɛa alo Aƒetɔ ƒe Fiẽnuɖuɖu la anyi, eye wòde se na wo be: “Minɔ esia wɔm hena ŋkuɖoɖo dzinye.”—Luka 22:19.

Eya ta ƒe sia ƒe la, Yehowa Ðasefo siwo le xexea me godoo la ƒoa ƒu ɖoa ŋku Yesu ƒe kua dzi le ŋkeke si dzi eƒe kua dze la dzi. Le ƒe 2014 me la, Yesu ƒe ku ƒe Ŋkuɖodzia dze Dzoɖa, April 14 dzi, le ɣeɖoto megbe.

Míele kpewòm be nàva kpɔ wɔna sia teƒe. Le wɔnaa me la, woaɖe nu si tae Yesu ƒe vɔsakua le vevie ɖo la me. Vavalawo maxe fe aɖeke o. Eye womadzɔ ga le ame aɖeke si o. Ame si tsɔ magazine sia na wò la agblɔ gamea kple teƒe si woawɔ Ŋkuɖodzia le le miaƒe nutoa me la na wò, alo àte ŋu akpɔe le Internet dzi le jw.org. Taflatse, de dzesi ŋkeke sia ɖi. Míeka ɖe edzi be wɔna sia mato ŋuwò o.