Xaxawo Bɔ Egbea Gake Mɔkpɔkpɔ Li
Xaxawo Bɔ Egbea Gake Mɔkpɔkpɔ Li
“Le ŋkeke mamlɛawo me la, ɣeyiɣi sesẽ siwo me nɔnɔ sesẽ la ava.”—2 TIMOTEO 3:1.
ÐE NÈSE nublanuinya siwo gbɔna dometɔ aɖe, alo kpɔ eteƒe, kpɔa?
● Dɔléle vɔ̃ɖi aɖe ɖe ame gbogbo aɖewo ƒe agbe ɖa.
● Dɔwuame kplɔa ame alafa geɖe yi tsieƒee.
● Anyigbaʋuʋu aɖe wu ame akpewo, eye ame akpeakpewo zu aƒemanɔsitɔwo.
Míadzro nudzɔdzɔ siawo tɔgbi ŋuti nyateƒenya vevi aɖewo me le nyati siwo kplɔe ɖo me. Nyatiawo ana nàkpɔe hã be Biblia gblɔe ɖi xoxoxo be nu siawo adzɔ le ɣeyiɣi si woyɔ be “ŋkeke mamlɛawo” me. *
Gake menye nyati siawo ƒe taɖodzinue nye be woana kakaɖedzi wò be míele xexe si me xaxawo bɔ ɖo me o. Anɔ eme be wò ŋutɔ èle xaxa siawo teƒe kpɔm xoxo. Eya ta ɖe woŋlɔ wo be woana nàkpɔe be mɔkpɔkpɔ li. Woaɖee afia be nyagblɔɖi ade aɖewo, siwo le eme vam fifia la ɖo kpe edzi be “ŋkeke mamlɛawo” awu enu kpuie. Woadzro susu siwo le ame geɖe si tso nudzɔdzɔ siawo ŋu hã me, eye woana nàkpɔ susu siwo ta wòle be nàka ɖe edzi be etsɔme nyui aɖe li gbɔna.
[Etenuŋɔŋlɔ]
^ mm. 7 Kpɔ nyati si nye “Nu Ka Tae Mawu Ðe Mɔ Vɔ̃ɖinyenye Kple Fukpekpe Li Ðo?” le magazine sia ƒe axa 16 kple 17 lia hena numekɔkɔ tso nu si ta Mawu ɖe mɔ nu siawo le dzɔdzɔm ɖo la ŋu.