ÐE WOWƆEA?
Sɔfɔti
SƆWO tea ŋu sia du kilometa 50 le gaƒoƒo ɖeka me. Togbɔ be esia lɔ ŋutinu geɖewo ƒe dɔwɔwɔ ɖe eme hã la, ŋusẽ ʋɛ aɖe ko wozãna. Nu ka gbɔe esia tsona? Etsoa sɔfɔtiawo ƒe dɔwɔwɔ gbɔ.
Bu nu si dzɔna ne sɔ le du dzi ŋu kpɔ. Ŋusẽ ɖoa lãkusi kple kpeƒetsiaka ƒomevi aɖe siwo me hena siwo wɔa dɔ aduadu la me ne sɔa tu afɔ anyi eye ne woɖe asi le ŋusẽa ŋu la, etutua sɔa dona ɖe ŋgɔ.
Tsɔ kpe ɖe eŋu la, ne sɔa le du sim la, eƒe afɔtiwo nɔa ƒoƒom sesĩe, si ate ŋu agblẽ nu le eƒe kpeƒetsiakawo ŋu hafi. Gake lãkusiawo xɔna na kpeƒetsiakawo ale be nu megblẽna le wo ŋu o. Numekulawo gblɔ le ŋutinu siawo ƒe wɔwɔme ŋu be enye “lãkusi kple kpeƒetsiakawo ƒe wɔwɔme si de ŋgɔ ŋutɔ.”
Numekulawo le agbagba dzem be yewoakpɔ sɔfɔti ƒe wɔwɔme dzi awɔ robot siwo si afɔ ene anɔ. Ke hã Massachusetts Ƒe Mɔ̃ɖaŋudɔwɔƒea ƒe dɔwɔƒe si nye Dzɔdzɔmenuwo Dzi Kpɔkpɔ Awɔ Robot Ƒe Numekuƒe gblɔ be ale si gbegbe sɔfɔti ƒe wɔwɔme de ŋgɔe la wɔe be yewomate ŋu awɔ esia bɔbɔe kple dɔwɔnu kpakple mɔ̃ɖaŋununya si su yewo si egbea o.
Nu kae nèsusu? Ðe sɔfɔti ƒe wɔwɔme sia dzɔ le eɖokui sia? Alo Wɔla lae wɔea?
Ɖewohĩ Esia Hã Adzɔ Dzi Na Wò
NYƆ!
Ale Si Wowɔ Ƒumelã Aɖewo Ƒe Gowo
Ƒumebɔbɔwo kple adzawo ƒe dzedzeme vovovoawo kple ale si goawo le ye kpɔa wo ta wonɔa agbe.
NYƆ!
Pollia Kutsetse Ƒe Amadede Blɔ Nyakpɔ La
Atikutsetse sia me tsi mele blɔ o, ke hã eƒe amadede si le blɔ lae nye amadede si le blɔ wu atikutsetse bubu ɖe sia ɖe tɔ. Nu kae na eƒe amadedea nya kpɔ nenema?
NYƆ!
Tɔmesisiblisi Ƒomevi Aɖe Ƒe Fu
Ami titri aɖe le tɔmelã siwo dzia vi la dometɔ aɖewo ƒe ŋutigbalẽ te si nana vuvɔ mewɔa wo o. The sea otter ya zã mɔnu bubu aɖe.
NYƆ!
Ale Si Anyi Wɔna Dzena Ðe Nu Dzi
Ale si anyi wɔna dzena ɖe nu dzi la na wowɔ nane de robɔtwo me be wòafia mɔ wo woate ŋu adzo nyuie.
NYƆ!
Nu Siwo Kpena Ðe Sahara Dzogbe Dzi Ƒe Anyidi Ŋu Wònɔa Te Ðe Dzoxɔxɔ Nu
Anyidi sia nye lã siwo tea ŋu nɔa te ɖe dzoxɔxɔ gbãgbãgbã nu wu la dometɔ ɖeka. Nu kae kpena ɖe eŋu wòtea ŋu nɔa te ɖe dzoxɔxɔ nu?
NYƆ!
Ƒumefɔlĩ Ƒe Ade Si Wòtsɔ Wɔa Ðɔ
Ƒumefɔlĩ ƒe ade si wòtsɔ wɔa ɖɔ la nana wòléna ɖe nuwo ŋu. Esia gɔmesese ate ŋu ana woawɔ nu siwo woatsɔ aku nuwo ɖe xɔwo ŋu, alo alé lãkusi ɖe ƒuwo ŋu nyuie wu.
