Aleke Yehowa Ðasefowo srɔ̃a Biblia kple amewoe?

Wozãa nusrɔ̃gbalẽ si nye Nuka Tututue Nye Biblia ƒe Nufiafia? tsɔna dzroa nyati vovovowo me ɖekaɖeka. Ta 19 ye le agbalẽ ma me, eye wo dometɔ aɖewoe nye:

“Ameka Tututue Mawu Nye?”

“Amekae Nye Yesu Kristo?”

“Afikae Ame Kukuwo Le?”

“‘Ŋkeke Mamlɛawo’ Mee Míele Nyateƒea?”

“Nukatae Mawu Ðe Mɔ Fukpekpe Li?”

“Alesi Nàna Dzidzɔ Nanɔ Wò Ƒomea Me”

Ne wole nua srɔ̃m kple ame aɖe, eye nyabiase aɖe le esi la, ate ŋu abia faa, eye wotsɔa Biblia ɖoa eŋu nɛ. Ne esrɔ̃ Biblia nyuie vɔ la, ekema eya ŋutɔ anɔ te ɖe nu si wòsrɔ̃ dzi atia ha si me wòdi be yeanɔ.

Àte ŋu abia be woava srɔ̃ Biblia kpli ye hã, eye àte ŋu abia be woaɖo agbalẽa ƒe ɖeka ɖe wò. Wò ya kpe nudɔgbalẽvi si le ete la ɖo, eye nàɖoe ɖe adrɛs si dze le nudɔgbalẽvia dzi alo ɖe adrɛs siwo le magazine sia ƒe axa 5 lia dometɔ si sɔ na wò.

□ Medi be miaɖo agbalẽ sia ɖeka ɖem femaxee.

□ Miva srɔ̃ Biblia kplim le nye aƒe me femaxee.