Ènyaa?

(Àte ŋu akpɔ biabiaawo ƒe ŋuɖoɖowo le Biblia kpukpui siwo woyɔ la me, eye woŋlɔ ŋuɖoɖoawo katã ɖe axa 27. Kpɔ agbalẽ si nye “Insight on the Scriptures,” si Watchtower Bible and Tract Society of New York, Inc. ta hena nyatakaka bubuwo.)

1. Mɔ ka dzie Yesu gblɔ na Samaria-nyɔnua be ele be woade ta agu na Mawu le? (Yohanes 4:24)

2. Nukae Mawu naa esubɔla nuteƒewɔlawo bene woate ŋu ado dzi le nuteɖeamedzi kple tetekpɔwo me? (Korintotɔwo II, 4:7-10)

3. Amekae nye Ʋɔnudrɔ̃la Gideon ƒe viŋutsu suetɔ kekeake, si eya koe nye viaŋutsu 70-awo dometɔ si te ŋu si eye fofoa viŋutsu Abimelex mete ŋu wui o? (Ʋɔnudrɔ̃lawo 9:5)

4. Ŋkɔ kae wona ƒe 50 lia le esime Israel-viwo ge ɖe Ŋugbedodonyigbaa dzi megbe, esime wòle be woaɖe gbeƒã ablɔɖe le dukɔ bliboa me? (Mose III, 25:10)

5. Fiaɖuƒe sue ka mee Amon-viwo va tsɔ aʋawɔla 12,000 le bene yewoawɔ aʋa kple Dawid? (Samuel II, 10:6)

6. Nukae Babilon-fia Nebukadnezar kpɔ le drɔ̃e me le eƒe fiaɖuɖu ƒe ƒe evelia me si ɖe fu nɛ ŋutɔ? (Daniel 2:1, 31)

7. Nukae Simson vuvu kple eƒe asi gbɔlo le nuŋlɔɖi gbãtɔ si woŋlɔ ku ɖe ŋusẽ si Mawu nɛ zazã me? (Ʋɔnudrɔ̃lawo 14:5, 6)

8. Lã ka ƒe dzowoe ku aveka si Abraham zã tsɔ sa vɔe ɖe Isak teƒe? (Mose I, 22:13)

9. Nukae Fia Saul wɔ si nye dada le Yehowa ƒe se dzi le aʋa si wòwɔ kple Amalekitɔwo me? (Samuel I, 15:3-9)

10. Esi Babilontɔwo ɖe aboyo wo megbe la, ŋkɔ kae wona Etanim, si nye dzinu gbãtɔ le Yudatɔwo ƒe ɣletigbalẽ dzi?

11. Afikae Yesu dzilawo va kpɔ wo viŋutsu si xɔ ƒe 12 la le esime wodii ŋkeke etɔ̃ megbe? (Luka 2:46)

12. Amekae wogblɔ na be wòatso aseye le Yesu ƒe tedzi dodo aʋadziɖuɖutɔe ta? (Zaxarya 9:9)

13. Nukatae Yesu xlɔ̃ nu be woadzra ‘nu nyuiwo ɖo le dziƒo’? (Mateo 6:20)

14. Nukae Yehowa wɔ tsɔ ɖee fia be yedo dziku ɖe Salomo ŋu esi Salomo trɔ va nɔ vɔ sam na mawu bubuwo le eƒe tsitsime? (Fiawo I, 11:14, 23-26)

15. Nuka ŋue Ŋɔŋlɔawo xlɔ̃ nu mí be míadzɔ wu nuwo katã? (Lododowo 4:23)

16. Nukae Fia Yoyakim wɔ esi woxlẽ agbalẽ si Yehowa na woŋlɔ tsi tre ɖe Israel ŋu la me nyawo nɛ? (Yeremya 36:23)

17. Nukae Yakob susu be eyae wu ye vi Yosef? (Mose I, 37:33)

18. Tso blema ke la, du kae woyɔna be “devedu”? (Mose V, 34:3)

 Biabiawo ƒe Ŋuɖoɖowo

1. Le “gbɔgbɔ kple nyateƒe” me

2. “Ŋusẽ ƒe agbɔsɔsɔ, si gba go”

3. Yotam

4. Aseyetsoƒe

5. Istob

6. Legba gã aɖe si ɖi ame, si ƒe akpawo nye ga ƒomevi vovovowo

7. Dzatavi

8. Agbo

9. Mewu woƒe fia Agag, kple alẽ kple nyi nyuitɔwo o

10. Tisri

11. Le gbedoxɔ me

12. “Zion-nyɔnuvi”

13. Ŋutilãme kesinɔnuwo gblẽna eye womena Mawu kpɔa ŋudzedze ɖe ame ŋu o

14. Eɖe eƒe yayrawo le edzi eye wòɖo futɔwo na Salomo

15. Kpɔɖeŋudzi la

16. Elãnɛ dea dzo me

17. “Lã wɔadã aɖe”

18. Yerixo