Yesaya 61:1-11
61 Aƒetɔ Dziɖulagã Yehowa ƒe gbɔgbɔ le dzinye,+Elabena Yehowa si ami nam be magblɔ nya nyui na ame fafawo.+
Edɔm be mada gbe le* ame siwo ƒe dzi gbã la ŋu,Ne maɖe gbeƒã ablɔɖe na ame siwo woɖe aboyoeEye maʋu ŋku na gamenɔlawo,+
2 Ne maɖe gbeƒã Yehowa ƒe amenuveƒeKple mía Mawu ƒe hlɔ̃biaŋkeke la,+Ne mafa akɔ na konyifalawo katã,+
3 Ne mana nu ame siwo le konyi fam ɖe Zion ta,Ne mana tatsyɔnu wo ɖe dzofi teƒe,Dzidzɔmi ɖe konyifafa teƒe,Kafukafuwu ɖe gbɔgbɔ si nu ti kɔ na teƒe.
Eye woayɔ wo be dzɔdzɔenyenye ƒe ati gãwo,Ame siwo Yehowa do be wòanye ŋutikɔkɔe nɛ.*+
4 Woagbugbɔ blemaƒedowo atso;Woafɔ blemaglikpowo ɖe tsitrenu,+Eye woagbugbɔ du gbagbãwo atso,+Eye woawɔ teƒe siwo zu aƒedo tso dzidzime yi dzidzime la yeyee.+
5 “Du bubu me tɔwo atso akplɔ miaƒe lãhawo,Eye amedzroviwo+ anye miaƒe agbledelawo kple waingbledelawo.+
6 Ke miawo la, woayɔ mi be Yehowa ƒe nunɔlawo;+Woayɔ mi be mía Mawu ƒe subɔlawo.
Miaɖu dukɔwo ƒe nu xɔasiwo,+Eye miatsɔ woƒe bubu* aƒo adegbe le mia ɖokui ŋu.
7 Nye dukɔ axɔ gome teƒe eve nu ɖe woƒe ŋukpe la teƒe,Eye woatso aseye le woƒe gome la ta ɖe vlododo teƒe.
Ɛ̃, woaxɔ gome teƒe eve nu le woƒe anyigba dzi.+
Dzidzɔ mavɔ anye wo tɔ gome.+
8 Elabena nye, Yehowa, melɔ̃a nya dzɔdzɔe;+Melé fu adzodada kple nu madzɔmadzɔ wɔwɔ.+
Matu woƒe dɔwɔwɔ ŋu fe na wo pɛpɛpɛ,Eye mabla nu mavɔ kpli wo.+
9 Woanya wo viwo le dukɔwo dome+Kple woƒe dzidzimeviwo le dukɔwo dome.
Ame siwo katã kpɔ wo la adze si wo beDzidzimevi siwo Yehowa yrae wonye.”+
10 Matso aseye ɖe Yehowa ŋu.
Nye ameti bliboa* akpɔ dzidzɔ ɖe nye Mawu ŋu.+
Elabena edo xɔname ƒe awuwo nam;+Edo dzɔdzɔenyenye ƒe awu ʋlaya* nam,Abe ale si ŋugbetɔsrɔ̃ blaa ta wòɖia nunɔla tɔ ene,+Abe ŋugbetɔ si tsɔ atsyɔ̃ɖonuwo wɔa leke na eɖokui ene.
11 Elabena ale si anyigba la miea nu,Eye abɔ nana nu siwo woƒã ɖe eme la miena la,Nenemae Aƒetɔ Dziɖulagã YehowaAna dzɔdzɔenyenye+ kple kafukafu namie+ le dukɔwo katã ŋkume.
Etenuŋɔŋlɔ
^ Egɔmeɖeɖe tẽe, ‘mabla abi na.”
^ Alo, “wòatsɔ aɖo atsyɔ̃ na eɖokui.”
^ Alo, “kesinɔnuwo.”
^ Alo, “Nye luʋɔ.”
^ Alo, “awu ʋlaya si ŋu abɔ mele o.”
