5 Mose 33:1-29
33 Nya siawoe Mawu vavã la ƒe ame Mose gblɔ tsɔ yra Israel-viwo hafi ku.+
2 Egblɔ be:
“Yehowa tso Sinai va,+Eye wòklẽ ɖe wo dzi tso Seir.
Edze le ŋutikɔkɔe me tso Paran tonuto la me,+Eye dɔla kɔkɔe akpeakpewo* le eŋu,+Eƒe aʋawɔlawo le eƒe ɖusime.+
3 Elɔ̃ eƒe dukɔ la;+Ame kɔkɔe mawo katã le asiwò me.+
Wobɔbɔ nɔ wò afɔnu;+Wole to ɖom wò nyawo.+
4 (Mose de se na mí,+Enye Yakob ƒe ha la ƒe nunɔamesi.)+
5 Eye Mawu zu fia le Yesurun,*+
Esime dukɔ la ƒe tatɔwo ƒo ƒu,+Kpe ɖe Israel-toawo katã ŋu.+
6 Ruben nenɔ agbe, megaku o,+Eye eƒe amewo megazu ʋɛ o.”+
7 Eyra Yuda be:+
“Oo Yehowa, se Yuda ƒe gbe,+Eye nàkplɔe va eƒe dukɔ gbɔ,Eƒe alɔwo ʋli* nu si nye etɔ la ta,Xɔ nɛ tso eƒe ketɔwo si me.”+
8 Egblɔ le Lewi ŋu be:+
“Wò* Tumim kple Urim+ la nye ame si wɔa nuteƒe na wò la tɔ,+Ame si nèdo kpɔ le Masa.+
Èwɔ dzre kplii le Meriba tsi la gbɔ,+
9 Ame si gblɔ na fofoa kple dadaa be: ‘Nyemenya mi o.’
Medze si nɔviaŋutsuwo kura gɔ̃ hã o,+Eye wògbe nu le viaŋutsuwo gbɔ.
Elabena elé wò nya la me ɖe asi,Eye wòwɔ wò nubabla la dzi.+
10 Na woafia wò ʋɔnudrɔ̃ɖoɖowo Yakob,+Eye woafia wò Se la Israel.+
Na woatɔ dzo dzudzɔdonu wòaʋẽ lilili na wò*+Kple nunana ɖe wò vɔsamlekpui dzi.+
11 Oo Yehowa, yra eƒe ŋusẽ,Eye nàkpɔ dzidzɔ ɖe eƒe asinudɔwɔwɔ ŋu.
Gbã afɔ* na ame siwo tso ɖe eŋu,Ne ame siwo léa fui la magatsi tsitre azɔ o.”
12 Egblɔ le Benyamin ŋu be:+
“Yehowa ƒe lɔlɔ̃tɔ la nanɔ dedie le egbɔ;Esime wòle eta kpɔm ŋkeke blibo la katã,Akɔe ɖe eƒe kɔ dzi.”
13 Egblɔ le Yosef ŋu be:+
“Yehowa neyra eƒe anyigba la+Kple dziƒonu nyuitɔwo,Neyrae kple zãmu kpakple tometsidzɔƒewo,+
14 Kple nu nyuitɔ siwo ɣe nana wotsina,Kple nu nyuitɔwo dzinu sia dzinu,+
15 Kple nu nyuitɔ siwo tso blematowo* dzi,+Kple nu nyuitɔ siwo tso togbɛ siwo li ɖaa la dzi,
16 Kple anyigbadzinu nyuitɔwo kple nu siwo yɔ edzi,+Kpakple Ame si le ŋuve la me la ƒe ŋudzedzekpɔkpɔ ɖe+ ame ŋu.
Woava Yosef ƒe ta dzi,Kple ame si woɖe ɖe vovo tso nɔviawo dome la ƒe dzodome.+
17 Eƒe atsyɔ̃ɖoɖo le abe nyitsu ŋgɔgbea tɔ ene,Eye eƒe dzowo le abe gbenyi ƒe dzowo ene.
Atsɔ wo atutu* dukɔwo,Wo katã, va se ɖe anyigba ƒe mlɔenuwo.
Dzo siawoe nye Efrayim ƒe ame akpeakpewo,+Eye woawoe nye Manase ƒe ame akpeawo.”
18 Eye wògblɔ le Zebulon ŋu be:+
“Oo Zebulon kpɔ dzidzɔ ɖe wò dodo ŋu,Eye wò Isakar kpɔ dzidzɔ ɖe wò agbadɔwo ŋu.+
19 Woayɔ dukɔwo va to la gbɔ.
Woasa dzɔdzɔenyenyevɔwo le afi ma.
Elabena woaɖe* ƒumekesinɔnu gbogboawo,Kple ketumenu* ɣaɣlawo.”
20 Egblɔ le Gad ŋu be:+
“Woayra ame si le Gad ƒe liƒowo kekem ɖe enu.+
Etsyɔ akɔ anyi abe dzata ene,Ele klalo be yeavuvu abɔ kple ta.
21 Atia teƒe gbãtɔ na eɖokui,+Elabena afi mae senala ƒe gome le.+
Dukɔwo ƒe tatɔwo akpe ta.
Yehowa ƒe dzɔdzɔenyenye dzie wòawɔ,Kple eƒe ʋɔnudrɔ̃ɖoɖo siwo ku ɖe Israel ŋu.”
22 Egblɔ le Dan ŋu be:+
“Dan nye dzatavi.+
Ati kpo tso Basan.”+
23 Egblɔ le Naftali ŋu be:+
“Yehowa ƒe ŋudzedzekpɔɖeameŋu ɖi ƒo na Naftali,Eƒe yayra yɔe fũu.
Xɔ ɣetoɖoƒe kple anyiehe wòazu tɔwò.”
24 Egblɔ le Aser ŋu be:+
“Woatsɔ viŋutsuwo ayra Aser.
Eƒe nu nenyo nɔviawo ŋu,Eye wòaƒo* eƒe afɔ ɖe ami me.
25 Gayibɔ kple akɔblie nye wò gametiwo,+Ànɔ dedie le wò agbemeŋkekewo katã me.*
26 Ame aɖeke mele abe Yesurun+ ƒe Mawu vavã+ la ene o,Ame si le yiyim le dziƒo be yeakpe ɖe ŋuwò,Eye wòle yiyim le alilikpowo dzi le eƒe gãnyenye me.+
27 Sitsoƒee Mawu nye tso blema ke,+Eƒe alɔ mavɔwo le tewò.+
Anya futɔ la ɖa le ŋgɔwò,+Eye agblɔ be: ‘Tsrɔ̃ wo gbidigbidi!’+
28 Israel anɔ anyi dedie,Yakob ƒe vudo la aɖe ɖe aga,Anɔ nuku kple wain yeye ƒe anyigba dzi.+Ame si ƒe dziƒowo adza zãmu.+
29 Oo Israel, dzidzɔtɔe nènye!+
Ame kae le abe wò ene,+Dukɔ si ƒe xɔname tso Yehowa gbɔ,+Wò akpoxɔnu si kpɔa tawò,+Kple wò yi gã la?
Wò futɔwo ade ta agu le ŋgɔwò,+Eye ànya avuzi le wo dzi.”*
Etenuŋɔŋlɔ
^ Alo “kɔkɔetɔ akpe ewowo.”
^ Egɔmee nye, “Dzɔdzɔetɔ”; si nye bubuŋkɔ si woyɔna na Israel.
^ Alo “wɔ avu nɛ ɖe.”
^ “Wò” si wozã le kpukpui sia me la tsi tsitre ɖi na Mawu.
^ Egɔmeɖeɖe tẽe, “le ŋɔti me.”
^ Alo “ali.”
^ Agate ŋu afia, “ɣedzeƒetowo.”
^ alo “atu dzo.”
^ Egɔmeɖeɖe tẽe, “woano.”
^ alo “ketumekesinɔnu.”
^ Alo, “wòaklɔ.”
^ Egɔmeɖeɖe tẽe, “ŋusẽ anɔ ŋuwò le wò ŋkekewo katã me.”
^ Agate ŋu afia, “le woƒe teƒe kɔkɔwo.”
