Masaya Boon: O tɔgɔ b’a yira ko Bibulu kalan min be kɛ yen, o ɲɛsinna Ala ka Masaya koo lo ma. O Masaya lo tun ye Yezu ka waajuli barokun ye.—Luka 8:1.

U ye tiɲɛn batoli kɛyɔrɔw ye kiinw kɔnɔ. O yɔrɔw la, Jehova Seerew be Masaya waajuli baara koo labɛn (Matiyo 24:14). Masaya Boonw bonya n’u lɔcogow tɛ kelen ye, nka u lɔra cogo nɔgɔman na ani u caaman kɔnɔ, kafo kelen dɔrɔn tɛ lajɛnw kɛ yen. Saan tɛmɛninw na, an ye Masaya Boon kura waa caaman lɔ (looru ɲɔgɔn loon o loon) sabu kafow hakɛ cayara ani an mako tun be boon wɛrɛw la. An sera k’o kɛ cogo di?—Matiyo 19:26.

Nili minw be kɛ Masaya Boonw lɔli kama, u lɔra olu lo sababu la. O niliw be ci tɔnbolo ma walisa kafo minw b’a fɛ k’u ka Masaya Boon lɔ wala k’a lakuraya, olu ka se ka dɔ sɔrɔ o wari la.

Mɔgɔ sifaw bɛɛ lo b’u bolo don gwansan u lɔli baara la. Jamana caaman na, u ye Masaya Boonw lɔbagaw jɛnkuluw sigi sen kan. O jɛnkuluw be taga kafo ni kafo la jamana kɔnɔ ani hali yɔrɔjanw na walisa ka kafodenw dɛmɛ u ka Masaya Boon lɔli baara la. Jamana dɔw la, u ye Masaya Boonw lɔli wala u lakurayali koo kalifa balima setigi dɔw ma mara tigitigi dɔ la. O mara la, boon lɔbaga ŋanaw fana b’u yɛrɛ di ka baara kɛ gwansan. Masaya Boon kelen kelen bɛɛ lɔyɔrɔ la, minw b’u yɛrɛ di o baara kama gwansan, u fanba ye o yɔrɔ kafodenw lo ye. An sera k’o baara bɛɛ kɛ Jehova ka hakili senu ani a ka mɔgɔw ka jijaliba sababu fɛ.—Zaburuw 127:1; Kɔlɔsikaw 3:23.

• Mun na an ka batolikɛyɔrɔw be weele ko Masaya Boonw?

• Mun lo b’a to an be sera ka Masaya Boonw lɔ duniɲa faan bɛɛ la?