Ele be Bibulu jati mun lo ye?

A LAMƐN KAAN NIN NA

Ele fɛ, Bibulu ye . . .

adamadenw ka miiriya lo ye wa?
nsiirinw lo wa?
wala Ala ka Kuma lo?

BIBULU B’A FƆ KO:

“Ala ka kuma bɛɛ sɛbɛnna Ala yɛrɛ ka sebagaya barika la.”—2 Timote 3:16, ALA KA KUMA, ABBF.

I BE SE KA NAFA MIN SƆRƆ O LA:

Ɲiningali minw be mɔgɔ dabali ban, a b’olu jaabi koɲuman.—Talenw 2:1-5.

A be ladili sɔbɛw di an ma an ka loon o loon ɲɛnamaya koo la.—Zaburuw 119:105.

A be jigiya sɔbɛ di an ma siniɲasigi koo la.—Ɔrɔmukaw 15:4.

BIBULU BE MIN FƆ, AN BE SE KA LA O LA SƆBƐ LA WA?

An be se ka la o la kuun saba ɲɔgɔn kama:

A t’a yɛrɛ sɔsɔ yɔrɔ si. Cɛɛ 40 ɲɔgɔn lo ye Bibulu sɛbɛ saan 1 600 ni kɔ kɔnɔ. U caaman ma ɲɔgɔn kunbɛn ka ye. Nka Bibulu kɔnɔna kuma si tɛ ɲɔgɔn sɔsɔ, barokun jɔnjɔn kelen dɔrɔn lo b’a kɔnɔ!
A kɔnɔkow ye tiɲɛn ye. Galen, jamanaw tun mana dɛsɛ kɛlɛ la, u tun man teli k’o koo sɛbɛ u ka kitabuw kɔnɔ. Nka Bibulu sɛbɛbagaw tun b’u kɔnɔ gwɛ k’u yɛrɛ ka filiw n’u ka jamana taw sɛbɛ.—2 Tilew Kibaru 36:15, 16; Zaburuw 51:3-6.
A ka kiraya kumaw bɛɛ be dafa. Bibulu tun kɔnna ka Babilonɛ dugu halakili kofɔ saan 200 ɲɔgɔn sanni o koo yɛrɛ ka kɛ (Ezayi 13:17-22). Bibulu y’a yira cogo min na o dugu tun bena minɛ. A ma dan o ma. Masacɛ min tun bena o kɛ, a y’o tɔgɔ fɔ fana.—Ezayi 45:1-3.

Bibulu ka kiraya kuma caaman wɛrɛw dafara, u si tɔɔ ma to. Yala o t’a yira ka gwɛ k’o kumaw bɔra Ala yɔrɔ wa?—2 Piyɛri 1:21.

MIIRI K’A FILƐ:

Ala ka Kuma be se k’i ka ɲɛnamaya fisaya cogo di?

O ɲiningali ka jaabili be sɔrɔ Bibulu kɔnɔ: ESAYI 48:17, 18 ani 2 TIMOTE 3:16, 17.

Découvrez aussi…

BIBULU KA KALAN JƆNJƆNW

Mun lo b’a yira an na ko Bibulu bɔra Ala yɔrɔ?

Ni Bibulu bɔra Ala yɔrɔ, gafe wɛrɛ tɛ se ka suma n’a ye.

AN YE JƆN LO YE?

Mun na i ka ɲi ka bibulukalan kɛ?

Ɲiningali jɔnjɔn minw ɲɛsinna an ka ɲɛnamaya koo ma, Bibulu be mɔgɔ miliyɔn caaman dɛmɛna duniɲa kuru bɛɛ kɔnɔ k’u jaabiliw sɔrɔ. A bena diya i ye ka kɛ olu dɔ ye wa?