I be se ka to Ala ka kanuya la cogo min na

Bibulu b’an kalan sariyakolo minw na tagamacogo ta fan fɛ, u be se k’an dɛmɛ ka to Ala ka kanuya la.

Koow Ɲɛnabɔla Jɛnkulu ka bataki

Tiɲɛnkalan lo be sɔrɔ Bibulu kɔnɔ o min ye Ala ka Kuma ye. Jehova Ala koo ka di minw ye, Jehova Seerew ka Koow Ɲɛnabɔla Jɛnkulu b’u bɛɛ jija u ka kalan kɛ k’a filɛ cogo min na u ka ɲi k’o tiɲɛnkalan sira tagama.

KALANSEN 1

Ala ka kanuya be to fɔɔ abada

Teriya sɔbɛ tɛ se ka to an ni Jehova cɛ n’an ma jijaliba kɛ. An be se k’o kɛ cogo di?

KALANSEN 2

Dusukun ɲuman, Ala ɲɛɛ kɔrɔ

Ala ye fɛɛn dɔ di an kelen kelen bɛɛ ma k’an ɲɛminɛ walisa an k’a lɔn an ka ɲi ka sira min ta an ka ɲɛnamaya kɔnɔ.

KALANSEN 3

Minw be Ala kanu, olu kɛ i teriw ye

An teriw be se ka nɔɔ ɲuman wala nɔɔ jugu to an kan. Bibulu ka sariyakolow be se k’an dɛmɛ cogo di n’an ka ɲi ka teriw sugandi?

KALANSEN 4

Mun na i ka kan ka kuntigiya bonya?

Kuun b’a la an ka kuntigiya bonya an ka denbaya kɔnɔ, kafo kɔnɔ ani yɔrɔ tɔɔw la.

KALANSEN 5

I be se k’i mabɔ duniɲa na cogo di?

Yezu y’a fɔ a ka kalandenw ye ko: ‘Aw te diɲɛ ta ye.’ Yezu tun kaan be “diɲɛ” juman lo ma tigitigi, ani mun na kerecɛnw ka ɲi k’u mabɔ o duniɲa na?

KALANSEN 6

Ɲɛnagwɛkow sugandi cogo

Duniɲa nin ka ɲɛnagwɛkow be i n’a fɔ yiriden, min faan dɔw ka ɲi ani a faan wɛrɛw man ɲi. Mun lo be se k’an dɛmɛ ka ɲɛnagwɛko ɲumanw sugandi ani k’an yɛrɛ tanga ɲɛnagwɛko dɔw ma minw ma ɲi?

KALANSEN 7

I be niin jati i ko Ala b’a jati cogo min na wa?

Bibulu ka sariyakolo jumanw lo be se k’an dɛmɛ ka desizɔn ɲumanw ta niin ani joli koo la?

KALANSEN 8

Jehova b’a fɛ a sagokɛlaw ka saniya

Ala ye sariya minw di saniyali koo la, u ɲɛsinnin tɛ an farikolo, an ka faniw n’an ka boon dɔrɔn ma. U ɲɛsinna an ka batoli, an ka kɛwalew, ani hali an ka miiriyaw fana ma.

KALANSEN 9

“A’ ye boli jatɔya ɲɛ”

Kakalaya ye mun lo ye ani an be se ka boli a ɲɛ cogo di?

KALANSEN 10

Furu ye Ala ka nilifɛn ye

Furu nafa ye mun ni mun lo ye? I be se k’i furuɲɔgɔn sugandi ka ɲɛ cogo di? Mun lo be se k’a to i ka furu be kɛ furututuko ye?

KALANSEN 11

Furu kɛnin kɔ

Ninsɔndiya ni gwɛlɛyaw be furuw bɛɛ kɔnɔ. Gwɛlɛyabaw be dɔw ka furu kɔnɔ. Nka, hali olu be se k’u ka jɛnɲɔgɔnya barika bonya.

KALANSEN 12

A to i ka kumaw ka mɔgɔ barika bonya

Kuma be se ka koo ɲuman kɛ mɔgɔ la nka a be se fana ka mɔgɔ dusu kasi. See min dira an ma ka kuma, Jehova b’a yira an be se ka baara kɛ n’o ye ka ɲɛ cogo min na.

KALANSEN 13

Yala fɛtiw bɛɛ lo ka di Ala ye wa?

Fɛtiw koo kɔrɔtanin lo mɔgɔ caaman fɛ. Mɔgɔw ka teli ka fɛti minw kɛ, u daminɛna cogo di? Ala be mun lo miiri o fɛtiw koo la?

KALANSEN 14

I ka kɛ hɔɔrɔn ye koo bɛɛ la

An ka koo naani lajɛ minw na a be se ka gwɛlɛya an ma ka kɛ mɔgɔ hɔɔrɔn ye ani an k’a filɛ nafa min b’a la ka kɛ mɔgɔ hɔɔrɔn ye o koow la.

KALANSEN 15

Ninsɔndiya i ka baara la

An Danbaga b’a fɛ an ka baara ka diya an ye. Mun lo be se k’an dɛmɛ ka ninsɔndiya sɔrɔ an ka baara la? Yala kerecɛnw ka ɲi ka ban baara sifa dɔw la wa?